It(em) alse vande(n) stoete(n) en(de) twiste(n) die opv(er)staen en(de) v(er)rese(n) sijn tussche(n) reyne(re)n/ van velthe(m) en(de) yde(n) py(n)nox sine(n) wive docht(er) henrix wile(n) py(n)nox met/(con)sente en(de) wille henrix coulon die nae de(n) rechte d(er) stat va(n) loeven(en)/ come(n) en(de) geleit is tot alle(n) de(n) goede(n) have en(de) erve d(er) selv(er) gehuyssche(n)/ joese peissema(n) alse geleit nae den rechte d(er) selv(er) stat totte(n) goede(n) ha alijte(n)/ py(n)nox docht(er) des vors(creven) wile(n) henrix en(de) sust(er) der vors(creven) yden in deen/ zijde en(de) wille(m)me van moersbeke met sine(n) medeplicht(er)s in dandere/ alse va(n) alle(n) den chijse(n) en(de) goeden die den vors(creven) ii gesust(ere)n gebleven sijn/ en(de) v(er)storven nae en(de) vander doot ydens wile(n) sgoeden die wijf was/ werneers wile(n) van bexhem ouder moed(er)ye d(er) vors(creven) gesust(ere)n alsoe v(er)re/ die ond(er) den bewinde van thiene(n) gelege(n) sijn hebbe(n) hen de vorscr(even)
//
reyne(re) yde sijn wijff mette(n) vors(creven) henr(icke) coulon en(de) joes peissema(n) vande(n) vors(creven)/ stoete verbonden en(de) gesubmitteert in ja(n)ne schoutvliege en(de) lambrechte/ platbroet Op alsulke(n) vuege en(de) (con)dicie dat de vors(creven) segge(re)n vanden/ vors(creven) stoete geinformeert sijnde huer seggen d(aer) af utenen en(de) p(ro)nu(n)cie(re)n sulle(n)/ tusscen dit en(de) sond(ach) nu naestcomen(de) mett(er) sonnen p(ro)mitt(entes) (con)iuges cu(m) p(re)d(i)c(t)o/ he(n)rico coulon ac jud(oco) peissema(n) rat(um) cor(am) lud(ovico) roelofs tymple julii xiiii/