It(em) den vors(creven) sege(re)n beleit sijnde tot allen den goeden des vors(creven) reyneers/ sullen beide scoutbrief en(de) beleit brief onder scep(enen) van loeven(en) bliven liggen(de)/ te dier meyni(n)gen dat de vors(creven) seger hem d(aer) mede sal moegen be/ hulpen o(m)me alst hem gelieft o(m)me te gecrigene en(de) v(er)halene de wettigen/ wettige scouden die de vors(creven) reyne(re) den vors(creven) sege(re)n sculdich es het/ sij met scep(enen) brieven oft and(er)ssins hoe danich die sijn moegen [en(de) niet voerd(er)] en(de) den vors(creven)/ sege(re)n van voe(r) tot acht(er) betaelt en(de) v(er)nueght sijnde salmen den vors(creven)/ scoutbrief en(de) beleitbrief den vors(creven) reyne(re)n wed(er) ov(er)geven Behoud(elic)/ gebuerdet den selven reyne(re)n sijn goede in toecomen(de) tijden gepraemt te/ worden dat dat de vors(creven) seger sond(er) sinen cost metten vors(creven) beleide/ bescudden sall sond(er) argelist cor(am) eisd(em)/