It(em) het is comen inde banck voe(r) meye(r) en(de) scepen(en) van loeven(en) wout(er) van/ vertrijke na(tuer)lick die naede(n) rechte der stad van loeven(en) bij middele van zek(ere)n/ scepen(en) brieve(n) van loeven(en) van beleyde geleydt is tot alle(n) den goeden have/ en(de) erve jans wijlen van vertrijke sijns vaders ende sprack ane collijn/ en(de) janne coulon gebrued(ere)n segghen(de) hoe dat jan wijlen coulon d(er) voirs(creven)/ gebrued(ere)n vader den voirscr(even) janne wijlen van vertrijke voe(r) scepen(en)/ van loeven(en) int jair van xxxviii geloeft hadde eene so(m)me van xxvi/ peet(er)s die te zek(ere)n daghen langhe verstreken sijnde te betalen d(aer)aff/ hij hem vande(n) xii peet(er)s kende vernueght sijnde Ende want de selve/ wijlen jan coulon vande(n) surplus alnoch neghen(en) betalinghe gedaen en/ hadde en(de) de voirscr(even) gebruede(re)n des voirscr(even) wijlen jans huers vaders/ have nae sijn doot aenw aenveert hadden soe hoepte de voirscr(even)/ wouter dat hem en(de) sijne(n) beleyde de voirscr(even) schout nae thoenisse/ dat hij d(aer)aff bij leyde volghen soude en(de) dat de voirscr(even) gebrued(ere)n hem/[d(aer)aff betalinghe sculdich ware(n) te doene op dwelcke de voirs(creven) gebrued(ere)n hen]hen verantwerden segghen(de) dat de voirscr(even) wout(er) dat nu(m)mermeer/ thoenen en soude dat sij als erfgename des voirscr(even) hue(re)rs vaders de/ voirscr(even) have alsoe aenveert hadden Mair wel is wair dat in/ tijden voirleden de voirscr(even) collijn en(de) jan jamot sijn brued(er) vanden/ Iersten bedde des voirscr(even) jans huers vaders aen jorijse van udekem/ vore de so(m)me van xvii peeters guld(en) voe(r) scepen(en) van graven borghe/ bleven wa(re)n voe(r) welke so(m)me gelts midts d(er) o ombetalinghen d(aer)aff/ nae des voirscr(even) wijlen jans coulon doot de voirscr(even) jorijs de have/ die nae sijn doot bleve(n) was met meye(r) en(de) scepen(en) van duwecheal/ uut aenbringhen der wet van graven ten hoeghsten brachte en(de)/ vercocht was o(m)me den voirscr(even) jorijse d(aer)aff betalinghen te doene/ bynnen welken middelen tijde henrick tainginsaert diene(re) der stad/ van loeven(en) uut dien dat de voirscr(even) wijlen jan coulon tachter/ en(de) alnoch van sijne(n) poirtergelde sculdich bleve(n) was quam te/ duwecheal begherende inden name vand(er) voirscr(even) stad datme(n)/ alsulken gelt als vanden vercoepe vand(er) voirscr(even) haven comen/ wae(re) en(de) ind(er) voirscr(even) scepen(en) handen van duwecheal wesende/ nyemande d(aer)aff vernueghen en soude dan alleene hem inden/ name vand(er) voirs(creven) stad dien naevolghende soe quamen/ de voirscr(even) gebrued(ere)n mette(n) voirscr(even) scepen(en) van duwecheall/ aen de rintm(eeste)rs vand(er) stad en(de) ov(er)quamen eene(n) dach bynnen
//
den welken men de voirs(creven) rintmeeste(re)n dat gelt want alnoch niet/ bereet en was te leve(re)n liverere(n) soude Tot welken daghe de voirscr(even)/ gebrued(ere)n als bode en(de) vriemde liede tvoirscr(even) gelt vand(er) voirscr(even)/ vercocht(er) haven alsoe comen(de) den voirscr(even) rintmeest(ere)n uut handen d(er)/[voirs(creven) scepen(en)] en(de) als bode d(er) voirscr(even) [selver] scepen(en) ind(er) manie(re)n dat sijt toegeseeght/ hadden brachten en(de) dat sij huer(er)s vaders have anders dant voirs(creven)/ is aenveert en hadden dat boden sij te thoene(n) en(de) mette(n) minsten/ etc(etera) De voirscr(even) p(ar)tijen tot hue(re)n thoenisse gewijst sijnde thoende(n)/ de voirscr(even) gebrued(ere)n allet ghene des sij hen vermeten hadden/ alsoe dat de h(ere)n de scepen(en) voerts vande(n) meye(r) van loeven(en) gemae(n)t/ gewijst hebbe(n) voir een vo(n)nisse dat alsulken aensprake als de/ voirscr(even) wout(er) totte(n) voirscr(even) collijne en(de) janne gebrued(ere)n gedaen/ heeft dat die hem hem egheene scade doen en sall noch/ den voirscr(even) gebrued(ere)n scade onstade p(rese)ntib[(us)] lyemi(n)ghen/ witte f(ilio) q(uon)d(am) fr(anconis) wynghe colonia nove(m)br(is) ix/