It(em) augustijn corekens en(de) lijsbeth van keerberghe sijn wijff dochter bernaerts van/ keerberghe(n) in p(rese)nc(ia) hebben bekindt en(de) gelijdt dat sij in huwelijke voirw(er)den/ gehave(n) gebuert en(de) ontfanghen hebben vanden voirg(enoemde) bernaerde van keer/ berghen en(de) m(ar)griete(n) sijne(n) wive x rijders lijftochte(n) ten live augustijns en(de)/ lijsbette(n) sijns wijfs voirs(creven) daer inne henric van zwertgore en(de) jan sijn sone/ van gheele met scepen(en) brieve(n) van loeven(en) verbonde(n) sijn Ende hebben die/ x rijders ontfanghen in alsulker voirw(er)den en(de) (con)dicien dat de selve augustijn/ en(de) lijsbeth d(aer)mede te vrede(n) en(de) (con)tent sulle(n) sijn en(de) blijve(n) sond(er) yet meer/ te eysschen(e) vande(n) voirg(enoemde) bernaerde en(de) sijne(n) wijve huer(er) beyd(er) leefdach/ oft des lanxste leven(de) van hen beyden due(re)nde in e(n)nigher manie(re)n En(de)/ oic op alsulke(n) forme(n) en(de) (con)dicie(n) dat de selve augustijn en(de) sijn wijff/ dese x rijders lijftochten nae de doot des voirg(enoemde) bernaerts en(de) m(ar)griete(n)/

sijns wijfs m(ar)griete(n) sijns wijfs wed(er) o(m)me wed(er) inne bringhen sullen/ om die inne gebracht sijnde met lodewijcke(n) van keerberghen zwager/ des voirs(creven) augustijns en(de) brued(er) lijsbette(n) voirs(creven) [gelijck] te deylen in haven ende/ in erven oft dat lodewijc voirs(creven) nae de doot sijns vaders en(de) moeders/ voir uute hebben sall x rijd(er)s lijftochte(n) en(de) in dande(re) blijven(de) goede gelijc/ deylen ind(er) manie(re)n voirs(creven) dwelck van beyde(n) de(n) selve(n) lodewijcke(n) gelieve(n)/ sall Bekinnende de selve augustijn en(de) lijsbeth sijn wijff van allen/ geluften en(de) huwelijken voirw(er)den hen inde(n) toeganc huers huwelix/ gedaen oft geloeft volcomelijke(n) genoech gedaen en(de) geschiet te sijne/ Geloven(de) de selve den voirscr(even) bernaerde en(de) m(ar)griete(n) sijne(n) wijve uut/ ocsuyne van e(n)nigher geluften oft toesegghen(e) van huwelijker voirw(er)de(n)/ metten x rijders voirs(creven) en(de) oic mett(er) deylinghe(n) gelijc vore geruert/ is sond(er) daer jeghen te doene oft te comen(e) in e(n)nigher manie(re)n/ cor(am) naen velpe aprilis xxiii/