Item Nae dien dat jan van molenbeke sone wilen/ joes voir meye(r) en(de) scepen(en) van loeven(en) op heden aen/ gesproken heeft qui(n)ten cokeroul alse van zeke(re)n/ beleitbrieve(n) dair mede dat de voirs(creven) wilen joes/ geleit was totten goeden jans wilen cokeroul vad(er)s/ des voirs(creven) qui(n)tens dair mede de selve wilen/ joes die goede met reaeld(er) possessien gehouden/ hadde en(de) gepossesseert en(de) alsoe nae hem opden/ voirs(creven) janne sijne(n) wettige(n) sone verstorven ende/ gebleve(n) Item desgelijx van ande(re)n deilbrieve(n)/ die geschiet wae(re)n tussche(n) den voirs(creven) wile(n) janne/ cokeroul van wegen sijnre huysvrouwen t(er) eenre/ en(de) den voirg(enoemde) wile(n) joese van wegen zijnre/ huysvrouwe(n) sust(er) van cokerouls wive voirs(creven) in/ dande(re) Welke beleit brief en(de) ande(re) bdeilbrieve/ bleve(n) wae(re)n nae de doot des voirs(creven) wilen/ joes int sterfhuys seggen(de) de selve jan
//
dat de voirs(creven) qui(n)ten hem tvoirs(creven) beleit in/ sijne(n) handen hebben(de) genomen en(de) ontweldicht/ hadde en(de) voirt de voirs(creven) deilbrieve met/ meer ande(re)n in eene(n) coffer wesen(de) met hem/ gedragen meynende wair hij dat gethoene(n)/ conde dat hem qui(n)ten die brieve sculdich/ wae(re) wed(er) o(m)me te bringen(e) Ende de voirs(creven)/ qui(n)ten dair op antwerden(de) seggen dede dat/ men niet bevi(n)den en soude dat hij tvoirs(creven)/ beleit alsoe genomen en(de) ontweldicht hadde/ Mair de weduwe des voirs(creven) wile(n) joes/ dair op tselve beleit als have comen was/ hadde hem dat over gegeve(n) en(de) anderssins/ d(aer) af gedaen voir wet soe sij dat wael/ doen mochte bieden(de) sijne(n) eed dat hij/ vanden deilbrieve(n) niet geweten en heeft/ noch en weet Soe hebben de he(re)n scepen(en)/ van loeven gewijst nae aensprake v(er)antw(er)de(n)/ en(de) tkinnen en(de) lijden dat qui(n)ten kint en(de)/ lijdt dat hij tvoirs(creven) beleit bringen sal/ int sterfhuys en(de) voert oic dander brieve/ int selve terfhuys tot sijnre eed en(de) dae(re)n/ tynden recht p(rese)nt(ibus) roelants j(aspar) abs(oloens) vync/ linthe(re) meersberge martii pen(u)l(tima)/