It(em) ter meerd(er) vestich(eit) den vors(creven) gehuyssche(n) tot hue(re)n/ vors(creven) scepen(en) brieven te doene soe sijn bij hande(n) jans baelge/ vorst(er)s te loeven(e) in handen gesedt den vors(creven) aerde wille(m)s/ tot behoef van hem selve(n) en(de) tot behoef der vors(creven) m(ar)gr(iete)/ sijnre huysvrouwe(n) de silve(re)n juweele(n) h(ier) nae bescr(even) inden/ ierste(n) vi silve(re)n scale(n) wegen(de) xii merct de canten bove(n) v(er)gult
//
It(em) noch vi silve(re)n scale(n) staen(de) op voeten wegen(de) iiii(½) merct/ binne(n) inden bodem v(er)gult met eenre roesen Tot desen/ eynde gebuerdet den selve(n) gehuysschen in toecomen(de) tiden/ inder betalinghe(n) van hue(re)n vors(creven) rinten oft bewisenisse(n) d(aer)/ af enich gebrec te hebben soe moegen sij huer gebrec aende/ vors(creven) rinte(n) v(er)halen juwele(n) v(er)halen die ten prijse van/ goudsmeden oft juwelie(re)n hen des v(er)staen(de) v(er)coepen Wiesser/ iet ov(er) dat souden sij wed(er)kee(re)n en(de) gebreker iet dat/ souden sij met hue(re)n scepen(en) brieve(n) v(er)halen behoud(elic) dat sij/ alt(oos) moegen p(ro)cede(re)n mette(n) eenen vanden tween d(aer) hen dat/ mede gelieve(n) sall En(de) in gevalle oft de vors(creven) gehuyssche(n)/ oft ande(re) recht va(n) hue(re)n wegen hebbende voert vue(re)n opd(en)/ p(er)soen des vors(creven) jans oft op sijn goede so v(er)re dat de selve/ jan oft sijn goede de vors(creven) lijfp(ensien) volcomelic en(de) al betaelde/ met rechte met alle(n) den acht(er)stelle der selv(er) soe heeft/ geloeft de vors(creven) arnd den vors(creven) ja(n)ne de vors(creven) silve(re)n juwele(n)/ in sine(n) handen ov(er) te geven o(m)me hem selve(n) en(de) sijn goede/ va(n) alle(n) scade(n) en(de) laste(n) d(aer) aen te v(er)richten En(de) oft de selve/ arnt van sinen brieven en(de) allen gebreke sonder last des/ vorg(enoemde) jans oft sijnre goeden v(er)nueght wordde soe heeft/ oec geloeft de selve aert den vorg(enoemde) ja(n)ne de vors(creven) juwele(n)/ wed(er)om ov(er) te leve(re)n in alsulk(er) weerden en(de) gewichte als/ de selve jan die hem als nu ov(er)gelev(er)t heeft cor(am) eis(dem)