It(em) jan vander laken sone jans wijlen vander laken heeft ge/ loeft janne mychiels van langdorp ende goerde rabode geheete(n)/ luy en(de) elke(n) van hen besundert aen eenen iegelike(n) tot ewigen/ dagen scadeloes en(de) costeloes te houden en(de) tontheffen alse/ van dien rijder lijfpensien die peet(er) potent becke(r) tande(re)n/ tijden tot zeke(re)n lijve gecocht en(de) gecregen heeft tege(n) den vors(creven)/ wijle(n) ja(n)ne en(de) ja(n)ne sijne(n) sone d(aer) vore de selve jan/ mychiels en(de) goert rabode met zeke(re)n and(ere)n p(er)soenen gesproken/ en(de) borge bleven sijn [met gad(er)s alle coste(n) en(de) laste(n) die sij oft enich va(n) hen uut ocs(uyn) d(er) selv(er) lide(n) mochte(n) hoedanich die wae(re)n] En(de) de selve lijfpen(ie) te quiten en(de) afte/ leggene oft and(er)ssins te bewisene tusscen dit en(de) ons(er) vrou/ we(n) dage purificacie naestcomen(de) alsoe dat de selve/ jan mychiels en(de) goert d(aer) af en(de) huer goede va(n) d(aer) af tot/ ewige(n) dage(n) ongepraemt sijn sulle(n) en(de) blijve(n) niet wed(er)staen(de) die(n)/ nochta(n) oftme(n) bevonde dat de vors(creven) jan mychiels oft goert/ hen als principael [ind(er) selv(er) brieve] v(er)bonden oft v(er)loeft hebbe(n) mochte(n) En(de)/ want de vors(creven) jan mychiels om d(er) selv(er) lijfpens(ien) wille/ alrehanden coste en(de) scaden gelede(n) heeft ged[ra]gen(de) t(er) so(m)me(n) toe/ van ii rijd(er)s ii(½) stuv(er)s so heeft de vors(creven) jan vand(er) lake(n)/ hen die geloeft uut te reike(n) en(de) te bet(alen) tot ons(er) liev(er)/ vrouwe(n) dage purificacie vors(creven) nu naestcomen(de) t(am)q(uam) ass(ecutu)[m]/ opp(endorp) prijke(re) no(vem)[br(is)] xxvii