It(em) vonnisse tusschen janne va(n) chinnoet die nae den/ rechte der stat van loeven(e) come(n) en(de) geleit is tot allen den / goeden have en(de) erve jans coulon sone jans wile(n) coulon wo/ nende terkenen in deen zijde en(de) coline coulon brueder des/ vors(creven) jans coulon in dande(r) zijde alse vand(en) goed(en) h(ier) ond(er)/ bescr(even) ind(en) iersten van i dachmael lants geleg(en) inde/ p(ro)chie va(n) erkenen acht(er) den berch naest den goed(en) jans/ gielbart It(em) van i(½) dach(mael) lants geleg(en) te duwecheal/ in ii stucke(n) tusse(n) de goede ja(m)marts coulon en(de) de goede/ jans le bonier It(em) (½) boender lants geleg(en) te duwe/ cheal al voir de tiege tusse(n) de goede reynuwaerts/ del bakeleyne en(de) de goede jans le bonier It(em) van/ eenen dach(mael) lants geleg(en) int velt van duwecheal/ gehete(n) le journaul a soecheal tussce(n) de goede ja(m)mars/ le bonier en(de) ja(m)mairts coulon It(em) ii dach(mael) lants geleg(en)/ te duwecheal in ii stucken d(aer)af deen geleg(en) is/ tussche(n) de goede colijn coulon en(de) jans le bonier It(em) dand(er)/ stuc es geleg(en) neven de goede urbeins? hee(re) va(n) du/ wecheal en(de) der erfgename(n) wout(er)s wile(n) de putz Aen/ welke goede de vors(creven) colijn meynde dat de vors(creven) jan/ met sinen beleide v(er)doelt wa(r)e want de selve colijn/ alle de goede des vors(creven) jans sijns brued(er)s tege(n) de(n) selve(n)/ sine(n) brueder gecocht hadde voe(r) eenen zeke(re)n erfpacht/ d(aer) af jarlix te geve(n) Ende oec wa(r)e waer dat hij inde/ so(m)mige voe(r) hof en(de) hee(re) gegoet en(de) geerft ware/ d(aer) af de vors(creven) jan de (contra)rie meynde seggende/ al hadde de vors(creven) colijn enige comescap moege(n) hebbe(n)/ gedae(n) vande(n) vors(creven) goeden tegen den vors(creven) sine(n) brued(er)/ soe en wae(re)n nochta(ns) d(aer) mede niet derflike goede/ gegoet noch gederft m(aer) mocht staen van dien op/ sijn aensprake te doene aende(n) p(er)soen van sine(n) brued(er)
//
m(aer) nae recht wa(r)e den gront vande(n) goede(n) sculd(ich) te volge(n)/ den vors(creven) ja(n)ne en(de) sinen beleide Es gewijst met desen worde(n)/ dat de ongederfde goede volgen sullen den vors(creven) ja(n)ne en(de)/ sine(n) beleide en(de) heeft [colijn] yema(n)de and(er)s iet [aen] te spreke(n) dat hij/ dat doen mach met rechte cor(am) kersmake(re) roelofs abs(oloens)/ opp(endorp) velde prijke(re) m(er)sels febr(uarii) p(enulti)ma