It(em) want in rechte comen sijn voir meye(r) en(de) scepen(en) van loeven(e) weyn/ gheerincx witled(er)make(r) in deen zijde ende een gehete(n) keenen/ in dande(re) ald(aer) de voirs(creven) weyn keenen den selve(n) keene(n) aengesproke(n)/ heeft met sijne(n) voirsprake segghende dat de selve keenen/ aen hem bestaet hadde henneken sijne(n) sone eene(n) t(er)mijn van iiii/ jae(re) o(m)me met hem te leeren(e) dambacht vande(n) voirs(creven) widtled(er)mak(er)s/ wittled(er)makers en(de) d(aer) vore soude hem de voirs(creven) keene(n) uutreyken en(de)/ betalen v peet(er)s eens te weten(e) de iii d(aer)aff te sinxene(n) nu lestlede(n)/ en(de) dand(er) twee ten eynde vande(n) voirs(creven) vier jae(re) op alsoe dat de/ voirs(creven) weyn den voirs(creven) he(n)neken den voirs(creven) tijt van vier jae(re) uut/ due(re)nde den montcost geve(n) en(de) des soude de voirs(creven) henneken hem/ sculdich sijn te dienen(e) als leerknape Welck he(n)neken sond(er) sijnen/ oirloff nu van hem gegaen is ende de voirs(creven) keenen van[voir] des/ voirs(creven) is den voirs(creven) weyne eene(n) borghe gesedt heft heeft en(de)/ dwelck geschiedde tusschen kersmisse en(de) vastelavont lestlede(n) gelijc/ de voirs(creven) weyn dat boet te thoene(n) Soe hoepte hij waer dat/ hij dat gethoene(n) conste dat de voirs(creven) keene(n) hem sculdich wae(r)/ op te legghen(e) de voirs(creven) pe(n)ninghe(n) en(de) sijne(n) sone in dien hebben/ dat [hij] he(m) voldoen soude sijne(n) t(er)mijn voirs(creven) nae inhoude(n) d(er) voirw(er)de(n)/ bove(n) vercleert Daerop de voirs(creven) keene(n) segghen dede dat/ waer wae(re) dat hij de(n) voirs(creven) sijne(n) sone mette(n) voirs(creven) weyne/ bestayt hadde o(m)me tvoirs(creven) ambacht te leeren(e) gelijc voirs(creven)/ steet m(air) het wae(re) waer dat de voirs(creven) he(n)neken sijn sone/ vande(n) voirs(creven) weyne gegaen wae(r) om zek(ere)n reden(en) wille he(m)/ d(aer)toe porrende alsoe hij seyde en(de) dat hij niet en weet waer/ de selve sijn sone wae(r) Biedende d(aer)vore sijne(n) eed hopende/mids d(aer)mede [d(aer)o(m)me] vand(er) voirs(creven) aenspraken ongehoude(n) te sijne/ Ende ten daghe van toenisse de voirs(creven) weyn gethoent/ heeft gelijc hij hem vermete(n) hadde in sijnd(er) aenspraken/ / soe hebben de h(ere)n scepen(en) van loeven(e) ter manissen smeyers/ gewijst voer een vo(n)nisse waer de voirs(creven) keene(n) sijne(n)/ eed dade gelijc hij gep(rese)nteert heeft dat hij vande den/ voirs(creven) weyne vande(n) voirs(creven) gelde voldoen sall nae dat/ de waerheit gedraghen heeft p(rese)ntib(us) kers(makere) roelofs/ abs(oloens) oppendorp prijke(re) julii xx