It(em) gregore vanden wijng(ar)de sone roelofs vand(en) wijng(ar)de/ recteur des outaers va(n) sinte jans baptiste(n) geleg(en) int/ hof t(er) motte(n) inde p(ro)chie va(n) graven en(de) roelof vanden/ wijng(ar)de sijn vader in p(rese)nc(ia) hebben verhuert en(de) bekint/ dat sij verhuert hebbe(n) janne va(n) chynnoet eene(n) beempt/ toebehoeren(de) den vors(creven) outair gelijc dat hij geleg(en) is/ inde p(ro)chie va(n) grave(n) acht(er) tangisaert tussche(n) de dile/ ald(aer) op deen zijde en(de) de goede wout(er)s vande(n) voerde/ op dand(er) zijde Te houde(n) en(de) te hebbe(n) va(n) halff m(er)the/ lest led(en) eene(n) t(er)mijn va(n) ix ja(r)en lang due(re)nde deen/ nae dand(er) sonder middel volgen(de) vore en(de) o(m)me/ eene(n) zeke(re)n prijs va(n) gelde d(aer) af de vors(creven) vader en(de)/ sone hen bekint hebbe(n) vand(en) vors(creven) ja(n)ne va(n) chi(n)noet/ volcomelic genoech gesciet sijnde den selve(n) ja(n)ne/ va(n) chynnoet vande(n) selve(n) prijse vand(en) geheele(n) ix/ ja(r)en volc(omelic) quijt sceldende Met sulk(er) vurwerde(n) ende/(con)dicie(n) oft de vors(creven) gregoir binne(n) de(n) vors(creven) ix ja(r)en storve/ en(de) alsoe den vors(creven) beempt bide(n) toecomen(de) recteur vande(n)/ vors(creven) outaer de(n) vors(creven) ja(n)ne ontoge(n) worde dat in/ die(n) gevalle de vors(creven) roeloff en(de) si voir elc jair de(n)/ selve(n) ja(n)ne gebrekende va(n) sijnd(er) hueri(n)ge(n) restitue(re)n sal/ iiii(⅓) g(rij)pe(n) te xl pl(a)c(ken) En(de) es vurwerde dat ja(n) houde(n) sal/ thout opde(n) vors(creven) beempt staende Geloven(de) opde vors(creven)/ manie(r) de vors(creven) sone en(de) sijn vad(er) de(n) vors(creven) ja(n)ne vand(er)/ huer(in)ge(n) tege(n) eene(n) iegelike(n) recht wara(n)t te sijne H(ier) af
//
sijn borgen des vors(creven) vad(er)s en(de) soens jan vand(er) wijng(ar)de/ brued(er) des vors(creven) gregore en(de) sone des vors(vreven) roelofs pri(us) em(an)c(ipatus)/ en(de) machiel de mont wonen(de) te clabbeke inde p(ro)chie va(n) s(in)te/ aeght te(n) roede p(ri)mi duo opp(endorp) prijke(re) fer(ia) s(ecund)[a] p(ost) q(ua)si mo(do)