It(em) de vors(creven) joffrouwe beatrijs heeft geconsenteert dat de/ vors(creven) robbeert mette(n) vors(creven) beleide tot sijnd(er) manissen v(er)reike(n)/ en(de) v(er)hale(n) sijn [sal] den cost vanden vors(creven) beleide die hij v(er)leet/ en(de) gegoude(n) heeft opde goede d(er) selv(er) beatrijse(n) It(em) want de/ vors(creven) geleidde als geleit totte(n) goede(n) d(er) voirs(creven) beatrijse(n) gescape(n)/ sijn mette(n) selve(n) beleide o(m)me d(er) vors(creven) joffr(ouwe) beatrijse(n) wille/ alrehande gedingen te hebbe(n) Soe heeft sij geconse(n)teert/ oft de selve geleidde oft enich van hen mids die(n) enige(n) cost/ oft last leden dat sij die(n) last met enige(n) and(ere)n laste(n) oft/ coste(n) die sij mids de(n) selve(n) gedinge(n) hebbe(n) mochte(n) mette(n) vors(creven)/ beleide aen huer goede v(er)hale(n) sulle(n) en(de) de(n) selve(n) geleidde(n)/ va(n) alle(n) laste(n) en(de) coste(n) ontlast en(de) onthave(n) sijnde salme(n) huer/ hue(re)n beleitbrief en(de) scoutbrief wed(er)geve(n) en(de) tot dier meyni(n)ge(n)/ heeft sij die(n) geconse(n)teert ond(er) scep(enen) te blive(n) cor(am) eisd(em)