Van lodewijke goessens/ Tvonnisse tusschen reyne(re)n smeets als man en(de) momboir m(ar)griete(n)/ goessens sijns wijfs als aenlegge(r) in deen zijde en(de) lodewijke/ goessens sone wile(n) jans als geleit totte(n) goede(n) des selfs wijle(n) jans/ sijns vaders geleg(en) te vorst en(de) d(aer) omtre(n)t in dande(re) Alse van eene(n)/ beemde houden(de) vijff zillen geleg(en) inde p(ro)chie va(n) vorst tusschen/ den goede(n) des heilichs geests van vorst in deen zijde en(de) lodewijke(n)/ heymans in dande(re) in welken beempt de vors(creven) reynee(r) smeets/ yesch te hebbene dachte(n)stedeel als voe(r) sijns wijfs kinsgedeelte/ Mids dien dat jan wilen goessens die den vors(creven) brief bekint/ heeft hadde viii wettighe kinde(re) daer ond(er) eene was oec/ geheeten jan goessens welc jan goessens de jonghe voert acht(er)/ hem gelaten heeft de vors(creven) m(ar)griete sijn enighe wettighe dochter/ die den vors(creven) reyne(re)n smeets getroudt heeft en(de) alsoe hoert der/ selv(er) m(ar)grieten toe huers vaders gedeelte die een vanden vorscr(even)/ / viii kind(ere)n was oft te minsten behoert hem toe alsoe vele/ ghelts als dat gedeelte nae recht(er) lantschattingen wert mach/ sijn met welk(er) weerden hij hem om alle gevoeghs wille soude/ laten genoeghen Seide voert dat de vors(creven) lodewijk niet/ voerder geleit en is dan om vande(n) goeden voe(r) af te treckene/ iiii(½)[c] gul(den) de welke so(m)me den vors(creven) lodewijke(n) v(er)nueght was/ van sinen ande(re)n medebruede(re)n en(de) sust(ere)n Meynen(de) mids den redene(n)/ vors(creven) dat hem sculdich wae(r) te volge(n) dachte(n)stedeel voirscr(even)/ D(aer) aff de vors(creven) lodewijk de cont(ra)rie meynde seggen(de) dat/ hij mids den redenen vors(creven) niet beleidt en soude worde(n) inde/ macht va(n) sine(n) scepen(en) brieven Ende nae dien dat tselve
//
beleit inden rechte gelesen was met eend(er) condicien staen(de)/ aenden schoutbrief d(aer) uut tvors(creven) beleit gedaen is gedragende/ t(er) substa(n)cie(n) dat de vors(creven) lodewijk en(de) henric sijn brueder/ metten vors(creven) beleide souden moegen vande(n) goede(n) huers/ vaders voe(r) uut trecke(n) iiii(½)[c] gul(den) en(de) d(aer) af betaelt sijnde/ voert int surplus vanden selve(n) goeden gelijc deilen met/ hue(re)n and(ere)n medebruede(re)n en(de) sust(ere)n gelijc de selve condicie/ iiii dage in nove(m)bri int boec van xxxix[e(n)] clerlik(er) bescr(even)/ en(de) begrepen steet Es gewijst met desen woerde(n) dat/ den vors(creven) lodewijke(n) en(de) sinen beleide de vors(creven) goede volge(n)/ sulle(n) nae inhout en(de) uutwisen der vurwerde(n) voe(r)geruert/ cor(am) roelofs abs(oloens) velde prijke(re) m(er)sels septembr(is) xxviii