Item de vors(creven) jacop en(de) joffrouwe katlijne sijn medegeselli(n)ne/ in p(rese)nc(ia) hebben gekint en(de) gelijt dat hen mette(n) ov(er)gevene/ des huys vors(creven) voldaen en(de) vernueght sijn acht clinckarde/ d(er) mu(n)ten sh(er)toghe ph(ilip)s van bourg(oig)[ne(n)] en(de) van brabant erflike/ rinten in afslage hue(re)r huwelik(er) vurwerden die hen/ toegeseet en(de) geloeft was ten tijden als sij v(er)gaderden nae/ staet der heilig(er) kerken Oppenbarlic quijtsceldende der/ vors(creven) joffr(ouwe) katlinen en(de) hue(re)n kind(ere)n en(de) huer goede vanden/ viii clinckarde vors(creven) gelovende hen d(aer) af alt(oos) genoech te/ doene oft sij hen met desen iet min dan genoech gedae(n)/ hadden behoudelic in desen dat hen dit egeen p(re)judijs/ doen en sal nae de doot der vorg(enoemde) joffr(ouwe) katline(n) d(er) moed(er)/ sij en sulle(n) gestaen inne te bringen de selve viii schilde/ in gevalle oft sij alsd(an) mette(n) and(ere)n kind(ere)n deilen wouden/ m(aer) oft sij die viii schilde inne bringen d(aer) mede sal hen/ tvors(creven) huys volgen sond(er) dat inde deilinge gerekent te/ worden cor(am) eisd(em)