Cond zij allen lieden dat geschiet en(de) gemaect een deilinghe en(de)/ scheidinghe tusschen hubrechten stuerbout lijsbetthe(n) sacx sijne(n)/ wijve meester arnde en(de) andriese geheeten sacx gebruede(re)n der/ vors(creven) lijsbetthe(n) van alle(n) den omberuerlike(n) goede(n) die hen bleve(n)/ ende aengestorve(n) sijn bij doode meest(er) arnds wijle(n) sacx ende/ wijle(n) lijsbetthe(n) sijns wijfs vader en(de) moeder der vors(creven) kinde(re)n te/ deilene/ Soe es gevallen en(de) bleven den vors(creven) hubrechte en(de) lijsbetthe(n)/ sijnen wijve in huer deilinghe een huys ende hof mette(n)/ stalle en(de) met allen sinen toebehoirten voe(r) en(de) acht(er) gelegen/ inde hoelstrate tusschen de goede peet(er) nuelens barbiers in/ deen zijde ende de goede die den vors(creven) andriese gevalle(n) sijn/ in sijn deilinghe op dander zijde hem streckende achterwert/ den vors(creven) hof inder linghden totte(n) goeden jans va(n) maerbeke/ geheeten gielijs en(de) inder breidden totte(n) goeden meest(er) jans/ pagain en(de) katlijnen meesterkens op alle den last en(de) co(m)mer/ daer uutgaende te behoerlecken en(de) gewoenlecke(n) tijde te/ betalen erflic ende voertaen op viere gulden pe(n)ni(n)ghe(n)/ geheete(n) peet(er)s en(de) op ond(er)halve(n) clinckart beide d(er) mu(n)ten h(er)toge/ ph(ilip)s h(er)toghe van bourg(oig)[ne(n)] en(de) van brabant [va(n) goude] goet en(de) gheeve/ erfrinten te kersmisse [s(in)te jansmisse] te betalen te weten de vors(creven) iiii/ peet(er)s den vors(creven) meester arnde sacx en(de) de(n) vorg(eruerde) i(½) clinckart/ den voirg(enoemde) andriese en(de) hue(re)n erfgename(n) en(de) naecomelinghe(n)/ erflic in toecomen(de) tijden met vurwerden dat de vors(creven) hubrecht/ en(de) sijn huysvrouwe de vors(creven) iiii gul(den) peet(er)s en(de) ond(er)halve(n) clinck(art)/ erflik(er) rinten lossen en(de) quiten sulle(n) moegen wa(n)nner sij willen / teene(n) te twee oft te meer malen te weten elken pe(n)ninc d(aer) af/ met xx achtien pe(n)ni(n)ge(n) geliken en(de) met vollen rinten nae/ gelande vander afquitinghen/ It(em) es [sijn] gevallen en(de) gebleven den vors(creven) meester arnde sacx in sijn/ deilinghe tgene des h(ier) nae volght te weten de vors(creven) iiii/ gulden peet(er)s erfrinten alle jare te kersmismisse [s(in)te jansmisse] baptisten te betalen/ aen en(de) op de vors(creven) goede den vorg(enoemde) hubrechte en(de) lijsbetthe(n) sine(n)
//
wijve in huer deilinghe gevalle(n) sijnde geleg(en) als voe(r)/ It(em) es gevallen den vors(creven) andriese in sijn deilinghe tgeen des/ h(ier) nae volght Ierst huys en(de) hof met sijne(n) toebehoerte(n) gelege(n)/ inde hoelstrate tusschen de goede des selfs andries in deen zijde/ ende de goede die den vors(creven) hubrechte en(de) lijsbetthe(n) sijne(n) wijve/ in huer deilinghe gevalle(n) sijn in dande(re) zijde streckende hem/ den vors(creven) hof acht(er)wert tot opde twee pale(n) ald(aer) staende te/ weten den eene(n) pael d(aer) af ten eynde vande(n) stalle des vors(creven)/ hubrechts en(de) den and(ere)n pael ten eynde vanden hove des vors(creven)/ andries op alle den last en(de) co(m)mer d(aer) uutgaende te behoerlicke(n)/ en(de) gewoenlecke(n) tijde te betale(n) erflic It(em) den vors(creven) i(½) clinck(art)/ erfchijs en(de) rinten alle jare sinte jans(misse) bap(tis)[ten] te betale(n) aen en(de)/ op de goede des vors(creven) hubrechts en(de) lijsbetthen sijns wijfs hen in/ deilinghe(n) gevalle(n) sijnde gelegen als voe(r) It(em) es inder vors(creven) deili(n)ge(n)/ tussche(n) den vors(creven) andriese t(er) eenre en(de) den vors(creven) hubrechte t(er) ande(r)/ zijde(n) clarlic ondersproke(n) dat de selve andries vand(er) ierst(er) cokene(n)/ vinst(er)e staende inden huse des vors(creven) hubrechts voert t(er) strate(n) wert/ sal mogen op vae(re)n en(de) tymme(re)n op sijn goede hem in deilinghen/ gevalle(n) sijnde alsoe hoghe alst hem gelieve(n) sall en(de) inden/ muere oft wende des vors(ceven) vande(n) huse des vors(creven) hubrechts/ anckeren en(de) palme(n) vesten so hem dat tot sijnre ti(m)meri(n)gen/ diene(n) sall Behoud(elic) d oft de selve andries d(aer) inne iet brake dat/ hij dat wed(er)om sal doen make(n) en(de) r(e)pare(re)n tot sijnre cost wel/ en(de) loflic m(air) vand(er) ierste(n) cokene(n) vinste(re)n vors(creven) acht(er)wert tot aent/ beghinsel vanden vors(creven) stalle en sal de vors(creven) andries op sijn/ erve niet mogen tymme(re)n biden huse des vors(creven) huybrechts noch/ naerde(r) dan op xiii voete breidden tusschen beide blivende/ It(em) es voirt ondersproken oft den vors(creven) hubrechte op sijn/ vors(creven) goede hem in deilinghen gebleven geliefde te tymme(re)n te/ metsen oft op te varen dat hij dat sal mogen doen sall op/ sijn oude mueren sonder den goeden des vors(creven) andries naerder/ te mogen comen Behoudelic den selve(n) hubrechte vande(n) selve(n)/ sine(n) goede(n) alt(oes) sijnen osidrup opde goede des vors(creven) andries/ gelijc de selve goede dien tot nu gehadt hebben sond(er)
//
enich ander recht van uutghietene van enighe(n) watere oft and(er)ssins/ ald(aer) te behoud(en) of in enig(er) manie(re)n te hebben Item dat de selve andries/ ende hubrecht de loeten hose [goete] tusscen hue(re)r beider cokenen geleghe(n)/ tot ewighen daghe(n) wel en(de) loflic op hue(re)r beider ghemeinder/ cost in goeden state houde(n) sulle(n) ende dwat(er) vander goeten/ comende sal de selve andries tot ewighe(n) daghen voertae(n)/ leide(n) over en(de) doere sijn vors(creven) goede ter hoelstrate(n) uut sond(er)/ argelist Dese deilinghe aldus ghemaect ende geschiet/ hebben geloeft de vors(creven) p(er)soene malcande(re)n vast gestedich en(de)/ onv(er)brekelic te houden malc opden ande(re)n en(de) sijn gedeelte/ metten halme vertiende ende r(e)nu(n)cierende ende voert/ elc den ande(re)n d(ae)r aff altijt genoech te doene alsoe dat elke(n)/ van hen ewelic vast ende zeeker genoech sijn moeghe/ cor(am) lint(re) meersberghe febr(uarii) xxi