It(em) want willem wittema(n) nat(ur)lic die naeden rechte/ der stad van loven(en) comen en(de) geleit [es] tot allen den haeflike(n)/ goeden gheerts d(er) kindere(n) opden dach van heden hadde/ doen inne scrive(n) den selve(n) gheerde voir meye(r) en(de) scepen(en)/ van loven(en) inde banc aldair die hem ongebruyck dede/ aen alle de haeflike goede vors(creven) aldair de selve gheert/ niet comen en es den selve(n) wille(m)me sine(n) dach ver/ wachten(de) ende inden rechten comparere(n)de Soe/ hebben de h(ere)n scepen(en) van loven(en) t(er) manissen smeyers/ gewijst voir een vonnisse dat men den selven/ wille(m)me vande(n) vors(creven) haeflike(n) goede(n) houde(n) sal in/ sine(n) beleide also v(er)re alst noch voir hen comen es cor(am)/ roelants jasp(er) abs(oloens) borch(oven) lint(ere) hortbeke meersberge/ octobr(is) xi