It(em) de vors(creven) ii p(er)soene(n) in p(rese)nc(ia) hebben geloeft en(de) gesekert en(de)/ ten heilegen geswoire(n) dat sij geend(er)ande brieve van beleide/ nocht ande(re) op huer goede sprekende en hebben nocht oec egeene/ maken en sullen tot neghene(n) plaetsen die den vors(creven) janne/ damoede letsel sijn mochten aende vors(creven) ii mudden corens erflic/ Ende dat sij d(aer) tegen ne(m)mermeer geweer sueken en sulle(n) m(air) dair/ af staen te(n) rechte van des(er) stat ende hen dair tegen met negene(n)/ ande(re)n rechte te behulpen in enig(er) manie(re)n uutgesceide(n) dien [brieve] die/ sij symone m(er)get voe(r) scepen(en) va(n) loven(e) gemaect en(de) v(er)lede(n) hebbe(n)/ met welke(n) brieve de vors(creven) symoen geloeft heeft de(n) selve(n) ja(n)ne/ egeen te hind(er) te sijne aen tgene dat vors(creven) steet in enig(er) manie(re)n nocht/ oec met negeene(n) and(ere)n brieve(n) die hij h(ier) namaels op huer goede/ oft enichs va(n) hebb hen make(n) oft gecrige(n) mochte sond(er) argelist/ cor(am) hortbeke meersberge scab(inis) (et) jo(annes) de rode p(re)cone junii xiiii