It(em) t(er) meerd(er) vestich(eit) den vors(creven) meest(ere)n ja(n)ne joffr(ouwen) heilwige(n) vande(n)/ berghe sijnre huysvrouwe(n) en(de) den vors(creven) hue(re)n kind(ere)n tot hue(re)n/ scepen(en) brieve(n) te doene Soe sijn [es] bij hande(n) jans boene vorst(er)s/ te loeven(en) den selve(n) meest(er) ja(n)ne tot behoef va(n) hem selve(n) en(de) tot/ behoef sijnre vors(creven) huysvrouwe(n) en(de) hue(re)n kind(ere)n gesedt in sijne(n) handen/ zeker silv(er) [juwelen] wegen(de) tsame(n) vive(n)vijftich merck en(de) ii onsse(n) Tot/ dien eynde gebuerdet de(n) selve(n) p(er)soene(n) in toecomen(de) tijde(n) inder bet(alingen)/ vand(er) vors(creven) lijfrente(n) oft bewisenisse d(er) selv(er) enich gebrec te hebbene/ so sulle(n) sij oft yema(n)t and(er)s va(n) hue(re)n wege(n) trecht hebben(de) alsulc/ gebrec aent vors(creven) silv(er) v(er)hale(n) en(de) die aen prijse va(n) goudsmede(n) oft/ juwelie(re)n hen des v(er)staende v(er)coepen En(de) oft d(aer) ov(er) alsulc iet ov(er)scoete/ dat soude(n) sij de(n) vors(creven) besutz wed(er)kee(re)n en(de) oft d(aer) gebreke soude sijn/ mette(n) vors(creven) scepen(en) brieve(n) moge(n) v(er)hale(n) Behoud(elic) dat sij sulle(n) mogen/ p(ro)cede(re)n met eene(n) vande(n) tween d(aer) hem dat best gelieve(n) sal en(de) oft/ de vors(creven) p(er)soene(n) and(er)ssins va(n) hue(re)r lijfpensie(n) dan met v(er)coepene der/ vors(creven) silv(er)s volcomelic worde v(er)nueght Soe heeft de vors(creven) meest(er)/ jan geloeft de(n) vors(creven) besutz tvors(creven) silv(er) inde(n) vors(creven) gewichte wed(er)om/ te leve(re)n hem te loven come(n)de en(de) dat bege(re)nde cor(am) eisd(em)