Item het es opden dach va(n) heden gecome(n) voe(r) den raide vand(er)/ stat maghtelt claes weduwe jans wijle(n) ghijsels en(de) heeft ald(air)/ clachlic opgedaen hoe dat sij bij bedwanghe va(n) armoede ende/ groete(n) noode va(n) noetdorften gedwonge(n) wordt huer met v(er)coepen/ van hue(re)n goede(n) te moeten behulpen en(de) besundert va(n) eene(n) huyse/ geleg(en) inde bieststrate opden hoec vand(er) boemaelporte(n) bijden/ goeden goerts hellinx sloetmak(er)s Dwelc huys zij noch van/ wande noch va(n) daken niet gehoude(n) en can En(de) alsoe come(n)/ op hue(re) twee groete lasten den eene(n) va(n) gebreke va(n) hue(re)n noet/ dorfte en(de) den ande(re)n vande(n) coste vande(n) houdene des vors(creven) huys/ Welke lasten sij egeenssins sond(er) v(er)coepe(n) vande(n) selve(n) huyse/v(er)coepen en mac gedrage(n) en mach noch en can En(de) heeft de selve/ maghtelt tgene des vors(creven) steet gethoent met goeden wettige(n)/ ma(n)ne(n) d(aer) toe wettichlic geedt sijnde de welke bij hue(re)n eede/ cleerde(n) waer te sijne tgene des de vors(creven) maghtelt gelijc vors(creven)/ steet clachlic opgedaen hadde Actu(m) m(ar)tii vii