It(em) de vors(creven) lambeert doupey en(de) jan de waresch in p(rese)nc(ia)/ hebben gekint en(de) gelijt dat sij de pe(n)ni(n)gen vanden vors(creven)/ iii rijders lijfpensien tusschen hen beiden te gelijke getogen/ en(de) gebuert hebben En(de) hebben d(aer) o(m)me malcande(re)n geloeft/ en(de) toegeseet dat sij jairlix ten behoerliken tijden de selve/ lijfpensie v(er)nuegen en(de) contente(re)n sullen en(de) tusschen hen beiden/ te gelike bet(alen) Ende oft gebuerde dat enich van hen vord(er)/ gepraemt wordde dan elc voe(r) sijn helicht het wae(re) voir/ de jaerlike betalinge voe(r) de bewisenisse oft voe(r) de prin/ cipale pe(n)ni(n)gen der selv(er) dat sij deen den and(ere)n d(aer) af scad(eloes)/ houden en(de) ontheffen sullen met gaders alle costen en(de) lasten hoe/ danich die wae(re)n die enich van hen vord(er) dan voe(r) sijn helicht/ hebben oft liden mochte sonder argelist En(de) hebben voert elc/ den and(ere)n toegeseet so wa(n)neer enich van hen beiden bereet/ is sijn helicht afte leggene oft te v(er)pandene dat dan dand(er)/ oec bereet sijn sal tgelijke te doene cor(am) eisd(em)