Cond zij alle(n) liede(n) dat henric van yse(re) wonen(de) te berthe(m) sone wile(n)/ henrix in jegewordich(eit) der scepen(en) van loeven(en) gestae(n) heeft genomen/ en(de) bekint dat hij genome(n) heeft va(n) janne ouderogghe als/ rintmeest(er) h(ere)n gheerts va(n) osy ridd(er)s hee(re) va(n) zantberghe en(de) va(n)/ beauvileer ii boend(er) lants den vors(creven) h(ere)n gheerde toebehoe(re)nde/ gelege(n) in eene(n) stucke tussche(n) egenhove(n) en(de) berthe(m) tussche(n) de goede/ scloest(er)s vand(er) banc bij loven(en) in deen zijde en(de) die vuersche h(er)st(ra)te/ op dande(re) zijde en(de) naest de(n) goede(n) andries wile(n) thomaes Te houde(n)/ te hebbe(n) en(de) te winne(n) va(n) half m(er)the naestcomen(de) eene(n) t(er)mijn va(n) xii/ jae(re)n lang due(re)nde deen nae dand(er) sond(er) middel volgen(de) Elx/ jaers dae(re)n binne(n) o(m)me en(de) voe(r) drie mudde(n) en(de) een half vierdalf/ mudde(n) rox goet en(de) paiabel met wa(n)ne en(de) met vede(re)n wel bereet/ d(er) mate(n) va(n) loven(en) alle jae(re) sinte andriesmisse apostels te bet(alen)/ en(de) te loven te leve(re)n den vors(creven) ja(n)ne ouderogge den vors(creven) t(er)mijn/ due(re)nde en(de) telke(n) t(er)mijne als v(er)volghde schout Opde vurw(er)d(en)/ en(de) (con)dicie(n) h(ier) onder bescr(even) Inde(n) ierste(n) dat de vors(creven) henric jairlix/ ten behoerlike(n) tijde(n) gelde(n) en(de) betale(n) sal vi d(enieren) chijs uute(n) vors(creven)/ goede(n) gaen(de) die mijn hee(re) va(n) croy [hev(er)le] d(aer) aen heeft en(de) dat alsoe/ in tijts en(de) in uuren dat de vors(creven) goede d(aer) va(n) egeen scade hebbe(n)/ noch lide(n) en sulle(n) sond(er) hem dat enige(n) afslach te doene aende(n)/ jaerlike(n) pacht vors(creven) It(em) sal voert de selve henric jairlix/ sijne(n) tijt due(re)nde de vors(creven) goede wael en(de) loflic wi(n)nen en(de)/ werve(n) gelijc regenoete(n) bove(n) en(de) benede(n) en(de) de selve goede/ geheelic en(de) all binne(n) den ierste(n) vi jae(re)n en(de) desgelijx oec bi(n)ne(n) de(n)/ leste(n) drie jae(re)n wael en(de) loflic ov(er)meste(n) It(em) en sal de vors(creven)/ henric de vors(creven) goede binne(n) den iii leste(n) jae(re)n niet moge(n) hoer/ vruchte(n) It(em) sal voert de selve henric de vors(creven) goede tot/ sijne(n) afsceide(n) late(n) geheel en(de) ongeerrijt cor(am) prijke(re) col(onia) febr(uarii)/ qu(in)ta