Cond zij allen lieden dat henric va(n) schoelant wonen(de) tons(er) liever/ vrouwen tielt in jegewordicheiden d(er) scepen(en) van loeven(en) gestae(n) heeft/ genome(n) en(de) bekint dat hij genome(n) heeft van janne cleinvranx wonen(de)/ te kyeseke(m) sone wijle(n) weyns alle de wynnen(de) lande en(de) goede des/ selfs jans te kieseke(m) te wynge te meensselle en(de) d(aer) omtrent geleg(en)/alsoe wale metgad(er)s den winhove en(de) den and(ere)n goede(n) ald(aer) gelege(n) die/ de selve jan vi jan in pechtingen oft helicht wi(n)ni(n)gen houden(de) is genome(n)/ heeft vanden hee(re) va(n) chantrain vande(n) heilegeeste va(n) kieseke(m) vande(n)/ begine(n) va(n) arschot van h(er) gheerde vande(n) goere p(rie)ste(r) va(n) marie(n) sterx/ vand(er) wed(uw)[e(n)] joes wijle(n) baets oft va(n) and(ere)n p(er)soene(n) in dese(n) uutge/ sceiden de geheel thiende gelege(n) te kieseke(m) toebehoren(de) den vors(creven) / hee(re) va(n) chantrain die de vorg(enoemde) jan in pechtinge(n) houden(de) is d(aer) inne de/ vors(creven) wi(n)ne egeen recht en heeft noch en behult te houden te hebbe(n)/ en(de) te winne(n) va(n) half m(er)the lest leden eene(n) t(er)mijn va(n) vi jare(n) lang/ due(re)nde deen nae dand(er) sond(er) middel volgen(de) Elx jaers dae(re)n/ binne(n) om de helicht van alle(n) den vruchte(n) jaerlix opde selve/ goede wassende Bij alsoe dat de vors(creven) wi(n)ne ten oexte de
//
vors(creven) vruchte(n) afdoen sal en(de) inde(n) bant leve(re)n en(de) te gader sette(n) en(de) / des vors(creven) jans helicht inde schue(re) binne(n) de(n) vors(creven) hove va(n) chantrain/ staen(de) met sine(n) wage(n) en(de) p(er)de(n) vue(re)n sond(er) cost en(de) last des selfs/ jans alle jae(re) den vors(creven) t(er)mijn due(re)nde It(em) Opde vurw(er)de(n) en(de) (con)dicien h(ier)/ nae bescr(even) Inden iersten dat de vors(creven) wi(n)ne alle de vorscr(even)/ wynnen(de) lande jaerlix sine(n) t(er)mijn due(re)nde wynne(n) en(de) werve(n) sal/ en(de) met behoerlike(n) saye sade besayen op behoerlike voren te/ wetene de rugge(n) lande half op iiii vore(n) en(de) half op iii vore(n)/ sond(er) die saetvore(n) en(de) de som(er)lande al op iiii vore(n) iii vore(n) sond(er)/ crucke(n) en(de) erweten It(em) es voert vurw(er)de dat de vors(creven) wi(n)ne de vors(creven) / geheel thiende die de vors(creven) [ja(n)] vande(n) vors(creven) hee(re) va(n) chantrain in pechti(n)gen/ houden(de) es den selve(n) ja(n)ne die inne vue(re)n sal bi(n)ne(n) den vors(creven) hove alsoe v(er)re/ die ald(aer) geliggen can en(de) soe v(er)re sij d(aer) niet geligge(n) en can soe sal de/ vors(creven) [wi(n)ne] die voert vue(re)n te(n) huyse des vors(creven) jans t(er) beke gelege(n) [behoudelic dat de vors(creven) jan die v(er)gaderen sall] It(em) es voert/ vurw(er)de soe wa(n)neer me(n) de vors(creven) thiende en(de) de vruchte(n) vande(n) vors(creven) goede(n)/ derssche(n) sal dat de wi(n)ne d(aer) af hebbe(n) sall tcaf en(de) tstroe Voert/ es vurw(er)de s oft de vors(creven) wi(n)ne enige crucke(n) saeyt dat hij d(aer) tegen/ den vors(creven) ja(n)ne alsoe breet evene(n) saye(n) sall en(de) alsoe vele lijsaets/ als de wi(n)ne voir hem selve(n) saeyt alsoe vele d(aer) tegen sal hijs d(aer) / tege(n) den selve(n) ja(n)ne oec sayen en(de) dlant d(aer) toe gereiden en(de) tvlas/ d(aer) af comen(de) den vors(creven) ja(n)ne tot sine(n) vors(creven) huyse vue(re)n It(em) allet/ doeft dat jaerlix int vors(creven) haff wasse(n) sall dat sulle(n) de vors(creven)/ wi(n)ne en(de) jan half en(de) half deilen en(de) dat te gade(r) doen lesen en(de) /des vors(creven) jans [de wi(n)ne sal de(n) vors(creven) ja(n)ne sijn] helicht hem tot sine(n) huyse d(aer) hem dat gelieve(n) sall/ leve(re)n en(de) vue(re)n It(em) voert es vurw(er)de dat de vors(creven) wi(n)ne op sine(n)/ cost alle jare den vors(creven) t(er)mijn due(re)nde den vors(creven) ja(n)ne sijn helicht wi(n)ni(n)ge vors(creven) / vue(re)n sall tot sine(n) huyse t(er) beke gelege(n) en(de) van daer voe(r)t te thiene(n)/ te loven(en) te diest oft taerschot d(aer) dat den selve(n) ja(n)ne gelieve(n) sall/ en(de) dan sal de wi(n)ne hebbe(n) sine(n) montcost It(em) sal de vors(creven) wi(n)ne de/ huysinge vanden vors(creven) goede(n) houde(n) wat(er)vast gelijc hij die gevonde(n) heeft/ tot sine(n) aencome(n) en(de) alsme(n) ald(aer) dect oft plect so sal de vors(creven) ja(n)/ den wercliede(n) den montcost geven [de dachue(re)n betalen] en(de) de wi(n)ne den montcost geven/ en(de) d(aer) toe leve(re)n den walm leve(re)n uutgesceiden va(n) nuwe(n) werke/ d(aer) af en sal de wi(n)ne egene(n) last hebbe(n) It(em) vande(n) stroe vande(n) vors(creven) / goede(n) comen(de) d(aer) af sal de vors(creven) jan sijn ette(n) behouden en(de) hebbe(n)/tot behoef va(n) sine(n) horen bee voer sijn horen beeste(n) tot sine(n) huyse/ alsoe vele als hijs behoeve(n) sal sond(er) wed(er)segge(n) vande(n) wynne
//
It(em) sal de vors(creven) jan int vors(creven) hof tot sine(n) v(er)doene hebbe(n) en(de) behoude(n)/ ii sulders bove(n) die coekene en(de) den kelde(r) ald(aer) en(de) thoppe(n) cruyt/ jaerlix inde(n) vors(creven) hove wassende metgad(er)s de(n) dufhuyse int vors(creven) hof/ gelege(n) en(de) metgad(er)s oec alle de wate(re)n ald(aer) gelege(n) sond(er) de(n) vors(creven) / wi(n)ne d(aer) inne enich toesegge(n) te hebbe(n) Des sal de wi(n)ne hebbe(n)/ los en(de) vry de thiende int vors(creven) hof va(n) sine(n) beeste(n) alsoe v(er)re/ als hij enige ophult va(n) sine(n) vlasse en(de) desgelijx oec vande(n) hoeye/ en(de) vand(er) weye(n) alsoe v(er)re hij die tege(n) den vors(creven) ja(n)ne in hueri(n)ge(n) ge/ nome(n) heeft tot kieseke(m) gelegen Voert es vurw(er)de dat de vors(creven) ja(n)/ jaerlijx den vors(creven) t(er)mijn due(re)nde te kiesekem oft d(aer) omtrent sal doen mayen/ stroysel x oft xii daghe d(aer) af dat jan de dachue(re)n sal betalen en(de) / de wi(n)ne den wercma(n) den montcost geven en(de) de wi(n)ne sal dat op/ sine(n) cost halen en(de) inden hove bringhen Behoud(elic) dat de wi(n)ne selve/ dat mayen mach op dat hem gelieft voe(r) yeman(ne) and(er)s en(de) de dachue(re)n/ d(aer) af vanden vors(creven) ja(n)ne trecken Voert eest vurw(er)de dat de vorg(enoemde)/ jan den vors(creven) ja(n)ne wi(n)ne te vueden geve(n) sall iii vie(re)ndeele/ scape te twee jare(n) te deilen d(aer) af dat de vors(creven) jan voe(r) uut hebbe(n)/ sall eene(n) hamel Des sal de vors(creven) jan gehoude(n) sijn den vuedere te/ doene gelijcme(n) ande(r) vueders bove(n) en(de) benede(n) gewoenlic es va(n) doene/ en(de) de vors(creven) jan wi(n)ne sal gehouden sijn den vors(creven) ja(n)ne te houdene/ sijn thiende la(m)meren die hij buyten den hove hebbe(n) sal tot sij twee/ jaer out sijn en(de) d(aer) nae tot sinte denijsmisse ten p(ro)fijte des selfs/ jans Es voert vurw(er)de dat de vors(creven) wi(n)ne den vors(creven) ja(n)ne halen sal/[te kieseke(m) en(de) d(aer) o(m)tre(n)t] alsoe vele hoeys als [hij] de vors(creven) jan [hij] tot sine(n) beeste(n) behoeve(n) sall te/kieseke(m) en(de) d(aer) omtrent het sij thiende hoy oft ander Sal voert/ de selve wi(n)ne den vors(creven) ja(n)ne jaerlix den vors(creven) t(er)mijn due(re)nde/ doen viii carweye(n) met sinen wagen en(de) p(er)den d(aer) hijs behoeven sal/ elc carweye van eene(n) daghe en(de) alsd(an) sal jan den wi(n)ne den mo(n)tcost/geven noen cost geven es oec vurw(er)de dat de vors(creven) wi(n)ne de/ vors(creven) scape nergens buyten shoefs en sal moge(n) houden noch legge(n)/ en(de) dmest dat d(aer) af come(n) sall dat sal de wi(n)ne opde vors(creven) lande/ vue(re)n tot hue(re)n meeste(n) p(ro)fijte It(em) en sal de vors(creven) wi(n)ne binnen den vors(creven) / t(er)mijne egeen ande(r) lande dan vors(creven) staen [en(de) sijns selfs lande] mogen aenverde(n) nocht wi(n)ne(n)/ sond(er) (con)sent des vors(creven) jans [It(em) sal de vors(creven) wi(n)ne de vorg(enoemde) lande wynne(n) tot opde(n) reen gelijc hij die gevonde(n) heeft tot sine(n) aencomen] It(em) en sal de vors(creven) wi(n)ne egeen mest/ uute(n) vors(creven) goeden mogen vue(re)n and(er)s dan opde vors(creven) lande die/ hij als nu vanden vors(creven) ja(n)ne in helichtwi(n)ni(n)gen genome(n) heeft It(em) / sal de vors(creven) wi(n)ne de vors(creven) goede laten tot sinen afsceiden gelijc hier/ nae bescr(even) steet Te weten int bloc t(er) beke een boend(er) oft d(aer) o(m)trent/ met weysinge besayt It(em) ii(½) dach(mael) lants gelege(n) te winge opde
//
boect met wint(er) coerne besayt It(em) vi dach(mael) lants geheten den witte(n)driesch/ gelege(n) op die steenpoele oec besayt met wint(er)coerne It(em) i dach(mael) lants/ d(aer) neve(n) gelegen met t(er)wen besayt It(em) een boend(er) lants gelege(n) aenden/ popele(re) opt selve velt met wint(er)coerne besayt It(em) int lant van baerle/ vi dach(mael) lants opt selve velt gelegen met wint(er)coerne besayt It(em) i dach(mael)/ lants opt selve velt gelegen besayt met wint(er)coerne oft som(er)coerne/ soet den wi(n)ne gelieve(n) sall Ite(m) de storte [ierst] int bloc t(er) beke een boend(er)/ It(em) d(aer) bij gelegen ii bloexkene houden(de) te gade(r) (½) boend(er) lants It(em) iii dach(mael)/ lants opde coemanshaghe v dach(mael) lants opden wolfsberch It(em) iii dach(mael)/ int oedenrot iiii dach(mael) lants opt wijg(ar)tvelt i boend(er) opdie nuwe/ strate i dach(mael) d(aer) neve(n) gelegen aent doerneken ii dach(mael) opdie/ roesmaelhove i dach(mael) opden veelhoff It(em) [en(de)] vi dach(mael) lants int lant van/ baerle en(de) [en(de)] al eens o(m)me gedaen soet behoert tot gewoenliken tijde/ It(em) die brake ierst op bek(er)velt ii boend(er) lants It(em) ix dach(mael) / lants gelegen in ii stucken opden couthe(r) totten vors(creven) hove behoe(re)nde/ It(em) iii boend(er) int goet van baerle It(em) opden vors(creven) couthe(r) een boend(er) / dwelc de vors(creven) jan in pechtingen hult vanden heilegeeste van/ kiesekem [hult] It(em) i boend(er) lants opde nuwe strate It(em) ii(½) dach(mael) lants/ gelegen te wouwe(r) opt rot It(em) een bloexken lants acht(er) thoff gelege(n)/ en(de) iii dach(mael) lants van tolmaers lande gelegen opden couthe(r) van/ welken goeden vors(creven) de vors(creven) wi(n)ne o(m)me doen to o(m)me gedaen/ laten sall de ii boend(er) opt bek(er)velt ix dach(mael) opden couthe(r) totten/ vors(creven) hove behoe(re)nde ix v dach(mael) vanden goeden van baerle een/ boend(er) op die nuwestrate ii(½) dach(mael) ten wouwe(r) en(de) thalf dach(mael) / vanden heilegeeste van kiesekem It(em) voert heeft de vors(creven) henric/ van schoelant genomen en(de) bekint vanden selven janne cleinvrancke/[genome(n) hebben(de)] die weye vanden vors(creven) hove [genomen hebben(de)] te wetene den beemt te neck(er)spoele/ den beemt int oedenrot den beemt bij arnde palst(er)s den beemt int/ crikelsbroec en(de) den beemt opde motte te gade(re) te houden en(de) / te hebben den t(er)mijn van vi jaren vors(creven) elx jaers voe(r) en(de) o(m)me/ xxvi guldene elken guldenen voir x stuv(er)s gerekent half te liecht/ messe en(de) half te sinte jansmisse baptisten d(aer) nae volgen(de) te betalen(e)/ den vors(creven) janne cleinvrancken den vors(creven) t(er)mijn due(re)nde en(de) telken/ t(er)mijne als v(er)volghde schout Ende es vurw(er)de dat de vorscr(even)/ wynne de vorg(enoemde) goede op sinen cost en(de) last wel en(de) loflic
//
bevreden sall alsoe dat d(aer) af egeen scade en gesciede en(de) den/ vrede halen op de goede t(er) minster scaden It(em) oft den vors(creven) ja(n)ne/ enighe vanden vors(creven) goeden binne(n) den vors(creven) t(er)mine met rechte afge/ wonne(n) wordde(n) alsoe dat die den vors(creven) wi(n)ne va(n) sijnre helchtwi(n)ni(n)ge(n)/ oft hueri(n)gen ontginge(n) so es vurw(er)de dat de selve jan t(er) eenre/ en(de) de wynne t(er) andre hen va(n) dien verbinden en(de) submitte(re)n sulle(n)/ in goede ma(n)nen hen des v(er)staen(de) en(de) te vrede(n) staen mette(n) seg/ gene der selv(er) goede ma(n)nen sond(er) voerd(er) recht va(n) dien te v(er)suekene/ It(em) es voert vurw(er)de en(de) ond(er)sproken alse va(n) dien dat de vorg(enoemde)/ jan opde storte vanden vorg(enoemde) goeden meer dan eene vore gedae(n)/ heeft en(de) vande(n) sade die d(aer) op gegaen is dat dat de vors(creven) wi(n)ne/ den vorg(enoemde) ja(n)ne betalen sall en(de) d(aer) af genoech doen te wete(n) va(n)/ eene(n) sestendeele d(aer) af te liechtmisse naestc(omende) va(n) eene(n) seste(n)deele/ d(aer) af te sinte jansmiss(e) d(aer) naestvolgen(de) en(de) soe voert tot elke(n)/ t(er)mijne va(n) liechtmisse en(de) va(n) s(in)te jansmiss(e) tseste(n)deel d(aer) af te/ betale(n) tott dat vol betaelt sijn sal en(de) telke(n) t(er)mijne als v(er)volghde/ hout En(de) alle dese vurwerde(n) (con)dicie(n) [en(de)] gelufte(n) vors(creven) hebbe(n) geloeft/ de vors(creven) winne in deen zijde en(de) jan in dand(er) zijde malcande(re)n vast/ gestentich en(de) omv(er)brekelic te houden en(de) te voldoene talle(n) tijden/ en(de) t(er)mijne(n) als die valle(n) en(de) v(er)schine(n) sulle(n) q(u)[o](libet) ass(ecutu)[m] cor(am) neusnide(re)/ col(onia) maii xviii