Want stoet en(de) tebat ov(er)staen en(de) verresen was tussche(n) joffr(ouwe) marie(n) weduwe/ daneels wijlen van lathem in deen zijde ende roelove(n) van schaetsbroeck in/ dande(r) alse van zeke(re)n schulden en(de) heysschinghe(n) die de voirs(creven) joffr(ouwe) den voirs(creven) / roelove heyssche(n) es uut ocsuyne van zeke(re) juweelen oft cleynnoeten die de voirs(creven) / roelof vand(en) voirs(creven) joffr(ouwe) marie(n) in handelinghe ghehadt zoude hebben Soe hebbe(n)/ hen de voirs(creven) p(ar)tien in beyden zijden vanden voirs(creven) stoete en(de) van al des dair/ aen cleven mach ende voert van allen ande(re)n accien en(de) heysschynge(n) die de voirs(creven) / joffr(ouwe) marie tot opden daghe toe van heden aen den voirs(creven) roelove hebben mach/ verbonden en(de) ghesubmitteert in quinten(e) cokeroel borg(er)meest(er) te loven(en) / en(de) in woute(re)n van prothegem als segge(re)n en(de) vriendelijken yeffene(re)n Met/ sulker vurw(er)den dat de selve p(ar)tien segge(re)n hen van beyden p(ar)tien informe(r)en/ zulle(n) en(de) hen eendrechtighe uutsprake dair af doen tusschen dit en(de) morgen/ avont naist comen(de) metter sonne(n) Gheloven(de) de voirs(creven) p(ar)tien vast en(de) gestentich te/ houden(e) tot ewige(n) dagen des bijden voirs(creven) segge(re)n uutghesproken sal wordden/ cor(am) zande colonia m(ar)tii xxvii