Na dien dat jacop van stertbeke als geleit totten goeden have ende erve/ jans wijle(n) hillen van gheele en(de) lijsbetten docht(er) wout(er)s wijle(n) svos sijns/ wijfs tot zeke(re)n daghen die tot heden met rechte v(er)streke(re)n sijn hadde/ doen besc(ri)ven voir meye(r) en(de) scepen(en) van loven(en) inde banck ald(aer) den voirs(creven)/ janne hillen zone des voirs(creven) [wijlen jans] die he(m) omghebruyck dede aen de goeden/voirs(creven) hier nae besc(ri)ven Inden ierste(n) huys en(de) hof met wynnen(de) lande/ en(de) alle sijnre toebehoirte(n) ghelege(n) tsege(n) sinte dympne(n) kerck over/ It(em) aen vi oft vii goed(er) bedden met sarge(n) koetssen slapelaken(en) ende/ ande(r) hue(re)n toebehoirte(n) It(em) vi matelen potte(n) een doziene tennen/ schotelen ii matele(n) panne(n) ii ys(er)en pa(n)ne(n) iiii wijnpotte(n) ende aen/ meer ande(r) haefflijke goede ghelijck die te bevinde(n) es inden huyse des/ voirscr(even) ghehuyssche(n) Tot welken daghe de voirs(creven) jan hillen/ niet come(n) en es soe hebbe(n) de scepen(en) van loven(en) t(er) manisse(n)/ smeyers ghewijst datme(n) den voirs(creven) gheleydde(n) vande(n) voirs(creven) goede(n)/ houde(n) sal in sine(n) beleyde alsoe verre alst noch voir hen come(n) es/ cor(am) om(n)ibus scabinis in scampno julii ix