It(em) ter meerd(er) vesticheit den voirs(creven) ghehuysschen en(de) hue(re)n kynde(re)n te/ doene soe sijn bij handen jans coninc(x) vorst(er)s te loven(en) vande(n) voirs(creven)/ h(ere)n librechte den voirs(creven) meest(er) janne calab(er) tot behoef als voir in hande(n)/ ghesedt en(de) voir tvoldoen d(er) voirs(creven) brieve(n) verobligeert Inden yersten zesse/ zilve(re)n scalen eene(n) zilve(re)n pot tsame(n) wegen(de) ix(½) marct It(em) twee/ groen beslagen mouwen en(de) twee swertte beslage(n) mouwe(n) ghetaxeert/ op iii(½) marct Te dyen eynde ghebuerd(er)t den voirs(creven) ghehuyssche(n) oft/ hue(re)n kynde(re)n in toecomen(de) tijden inde voirs(creven) lijfrente oft bewijsenisse d(er)/ selv(er) ofte inden voirs(creven) scepen(en) brief e(n)nich ghebreck te hebben(e) dat de/ voirs(creven) ghehuyssche(n) huer kynde(re) oft yemant and(er)s recht dair inne hebben(de)/ sijn ghebreck aen de voirs(creven) juweelen verhale(n) sal moghe(n) ende die met/ rechte vercoepe(n) en(de) hen aen die pe(n)ninghe dair af comen(de) verrichte(n) En(de)/ oft de voirs(creven) ghehuyssche(n) and(er)s dan met v(er)coopen(e) d(er) voirs(creven) goede(n) vernueght/ wordde soe sal de voirs(creven) meest(er) jan ghehoude(n) sijn den voirs(creven) h(er) librechte/ de voirs(creven) juweele(n) ghelijck hij die ontfanghe(n) heeft wed(er) ov(er) te leve(re)n zond(er)/ arghelist cor(am) eisd(em)