It(em) henrick vanden borchoven ende joffr(ouw) katline vanden berghe sijn/ medegheselynne barthelmeeus jan ende joffr(ouw) katline huer/ kynde(re) tyerst uut hue(re)n broede ghedaen sijnde in p(rese)nc(ia) hebben ghelooft/ meest(er) janne calab(er) dat sij alsulken xxviii croenen als de selve/ meester jan jeghen hen vercreghe(n) heeft op thoff te velpe met/ alle(n) sine(n) toebehoirte(n) ende oic die onderpande vanden selven rente(n)/ schadeloes houden zullen van allen pontpe(n)ninghen die den hee(r)/ van berghen als gronthee(r) dair aen totten daghe toe van heden/ verschenen ende vervallen moghen sijn ende vanden selve(n)/ onderpanden soe dat behoirt met volcomend(er) behoeften afquijten/ alsulke xl clinckarde brabantsch(er) munten erfchijs die m(er)ten wijle(n)/ willemair dair aen hadde Alsoe dat den voirs(creven) meest(er) janne behoeve(n)/ oft wael diene(n) sall moghe(n) ende alsoe dat sijn ond(er)pande der voirs(creven)/ xxviii croene(n) vande(n) voirs(creven) xl clinck(ar)de volcomelijk(er) sond(er) e(n)nigh(en) twivel/ dair inne te bliven(e) ontlast zulle(n) moghe(n) sijn en(de) blijve(n) tot ewighe(n)/ daghen Et t(antu)m cor(am) colonia meersb(er)ghe febr(uarii) xviii