It(em) matheeus vanden bossche goutsmet zone m(ar)grieten van houtmeersse/ die sij heeft van matheeuse wijle(n) wande(n) bossche hue(re)n man renu(n)cians (et)c(etera)/ heeft ghelooft alijten coeman docht(er) wijle(n) gielijs coeman en(de) lijsbette(n) hue(re)r/ natuerlijker docht(er) die sij heeft van meest(er) andriese wijle(n) vand(er) capelle(n) oft/ d(er) eenre van hen lieden hebber sbriefs hond(er)t gulden(en) rijd(er)s der mu(n)te(n) onss/ gened(ichs) shee(re)n ts(er)toge(n) van bourg(oig)[ne(n)] en(de) van brabant van goude goet en(de) ginge/ Te weten viii rijd(er)s dair aff tsinte jansmisse baptiste(n) naistcomen(de) viii rijd(er)s/ dair af tsinte jansmisse bapt(isten) dair nae volgen(de) ende voort talle(n) sinte/ jansmisse dair viii rijders te betalen(e) tot dat de voirs(creven) schout gheheelick en(de)/ all betaelt sijn sall ende telken t(er)mijne als vervolghde schout In dese(n) bevurw(er)t/ en(de) ond(er)sproken dat niet wed(er)staen(de) den t(er)mijne(n) voirs(creven) oft de voirs(creven) m(ar)griete/ moed(er) des voirs(creven) matheeus bynne(n) den selve(n) t(er)mijne(n) aflivich wordt dat dan/ de voirs(creven) schout bynne(n) viere maende(n) nae des selver doot gheheelic en(de)/ al verschene(n) en(de) ghevalle(n) sijn sall in sulker manie(re)n oft den lesten t(er)mijn/ verschene(n) en(de) ghevalle(n) ware Ende alsdan t(er) stont heeft ghelooft de voirs(creven)/ matheeus trest vander voirs(creven) schout d(er) voirs(creven) alijte(n) coemans en(de) alijten/ hue(re)r docht(er) oft die eenre van hen beyde(n) ghelijc voirs(creven) steet te bet(alen) t(am)q(uam)/ ass(ecutu)[m] cor(am) col(onia) meersb(er)ghe julii xxiii