Cont sij alle lieden dat jan van bullestraten zone wijlen arnts/ van tieldonck in tegewoordich(eit) der scepen(en) van loven(en) gestaen heeft/ ghenome(n) ende bekent dat hij ghenome(n) heeft van roelove roelofs wonen(de)/ te loven(en) dwinhof desselfs roelofs gheheeten thoff tuydekem mette(n)/ landen en(de) metter weyden dair toebehoren(de) ghelegen inde p(ro)chie van/ herent acht(er) tcloest(er) van bethleem uutghescheyde(n) de goede hier nae/ besc(ri)ven Inden yerste(n) ii stucken lants deen aen dande(r) gelege(n) houden(de)/ te same(n) iii dachmale gelege(n) acht(er) tcloest(er) toest(er)hem die peet(er) vand(er)/ dijlen in pechinge(n) hult It(em) een boender lants dat goort/ vand(er) haert hult gheleghen achter den roesselberch ende noch/ een beempdeken dat roelof ghecocht heeft teghen janne stockelpot/ in welke specificeerde goede de voirs(creven) wynne gheen recht hebben/ en sal Te houden(e) te hebben(e) en(de) te wynnen(e) van half meerte/ naistcomen(de)[leden] eene(n) t(er)mijn van xii jaren lang due(re)nde deen nae/ dande(r) zond(er) myddel volgen(de) elcx jairs dae(re)n bynnen Te weten(e)/ tvoirs(creven) hoff metten landen o(m)me de helicht van allen den vruchten/ jairlix opde selve goede wassende bij alsoe dat de voirs(creven) woirs(creven) wynne/ des voirs(creven) roelofs helicht vanden vruchte(n) voirs(creven) afdoen sal ende inden/ bandt leve(re)n ende desselfs roelofs helicht ov(er) ande(re)n hoop yerst inne/ vue(re)n zond(er) cost des voirs(creven) roelofs ende de voirs(creven) wynne sal den/ knape des voirs(creven) roelofs ald(aer) comen(de) om tcoren te deylen opt velt/ den montcost gheve(n) Item de wynne sal den dersschers vueden/ die des voirs(creven) roelofs ghedeelte dersschen zullen ende dair vore/ hebben caff en(de) crinse(n) oft voe(r) de crinsen elcx daighs voe(r) ii/ dersschers een molevat rogx dwelck den voirs(creven) roelove best/ ghelieft ende roelof sal de dachhue(re)n betalen Ende de/ voirs(creven) weyde Behoudelijke(n) dat hij int elssebossche gheene/ schade en doe elcx jairs dae(re)n bynne(n) vore en(de) o(m)me xx/ rinssche gulden(en) elken rinsschen gulden(en) gerekent voe(r) xx stuv(er)s/ alle jaire tsinte martentmisse inden wynt(er) te betalene den/ voirs(creven) roelove den voirs(creven) t(er)mijn due(re)nde en(de) telken t(er)mijne alse/ vervolghde schout It(em) de voirs(creven) wynne sall tfroyt op sine(n)/ cost ter eerden leve(re)n ende des voirs(creven) roelofs helicht van sine(n)/ grayne en(de) oefte jairlix te loven(en) leve(re)n It(em) sal de voirs(creven) roelof
//
behouden int voirs(creven) hoff de poorte en(de) tsteynen huys met sine(n)/ toebehoirte(n) ende den corenzolde(r) die hij ald(aer) heeft doen maken tsine(n)/ p(ro)fijte ende gherieve ende noch thoefken dair den wijng(ar)t op stoet/ zond(er) den wynne dair inne ghericht te zijne Welck hoefken sall de wy(n)ne/ wynne(n) werven mesten en(de) besayen ghelijck den ande(re)n goede(n) voirscr(even)/ ende de vruchten dair op wassende afdoen en(de) die den voirs(creven) roelove/ oic te loven(en) leve(re)n ten coste desselfs wynne(n) Ende h(ier) voe(r) sall de wynne/ hebben tot sine(n) verdoene den boeg(ar)t gelegen acht(er) de(n) ovenboer uutgescheid(en)/ tfroyt dwelck de voirs(creven) roelof en(de) wynne half ende halff hebben zullen/ Ende noch den wermoes hof ghelege(n) tusschen thuys ende den ovenboer/ die de selve wynne oic alleene tot sine(n) verdoene hebben sal It(em) sall de/ voirs(creven) wynne hebben alle verdroeghde wilge(n) behoudelick dat hij voir/ alle verdroeghde wilghe wed(er) om sette(n) sal ii levende poete(n) ende die/ verwaren ende wassende houden Item tot dien sall de selve wynne opt/ selve goet jairlix plante(n) dairt best dyent vijftich poete(n) halff wilgen/ en(de) halff alboeme(n) en(de) die verwaren en(de) wassende houde(n) Item de wynne/ sall moghe(n) truncken heggen en(de) hage(n) ende trunceyken ten behoirlijke(n)/ tijde tsijnre beringhe(n) behoef dair hem roelof dat bewijse(n) sal ter mynst(er)/ schaden Item inde wilge(n) en sal de wyn egheen recht hebben dan te/ truncken(e) totten sette(n) vanden poete(n) en(de) bevreden vanden goeden Item sal de/ voirs(creven) wynne den voirs(creven) t(er)mijn due(re)nde tgeeheel stroe vande(n) goede(n) jairlix/ comen(de) int selve hoff slijte(n) ende te meste maken ende dat opt lant vue(re)n/ zonder te vercoepen(e) It(em) sal de voirs(creven) wynne den voirs(creven) roelove leve(re)n/ jairlix hond(er)t busselen lants walms int hoff te verdecken(e) ten coste en(de) laste/ des voirs(creven) wynne(n) Item de wynne sal de huyse houde(n) vand(er) und(er)ster rijkele(n)/ ned(er)weert op sine(n) cost It(em) alle alsulken schade(n) die aen de huysinghe(n)/ gheschiede(n) bij swynne(n) ocsuyne oft bij sijne(n) beeste(n) sal de selve wynne/ richte(n) It(em) oft de voirs(creven) wynne e(n)nich mest buyte(n) coopt oft landt te/ vue(re)n dair af sal roeloff betale(n) de tweedeel en(de) de wynne dand(er)/ derdendeel en(de) de wynne sal dat hale(n) en(de) vue(re)n opde voirs(creven) lande alsoe/ wale opde verste als opde naeste It(em) sulle(n) de voirs(creven) roelof en(de) wynne/ bynne(n) den yerste(n) drie jaire(n) alle jaire coope(n) hond(er)t mandele(n) stroes/ die de voirs(creven) roelof en(de) de wynne te ghelijke betale(n) zulle(n) en(de) die wynne/ sal die op sine(n) cost halen en(de) dat sal die wynne met sine(n) beeste(n) etten
//
en(de) slijten bynne(n) den hove ende dair af mest make(n) ende/ dat wed(er) om vue(re)n opde selve lande tot hue(re)n meesten p(ro)fijte ghelijck/ voirs(creven) steet Behoudelic oft de voirg(enoemde) roelof den voirs(creven) wynne/ de voirs(creven) pechtinghe op seyde bynne(n) den yerste(n) drie jaire(n) dat/ dan die selve wynne int leste jair vanden drien onghehoude(n) sijn/ sal buyten mest oft stroe te betalen(e) It(em) oft men int voirscr(even)/ hoff van nuws dect oft plect dair af sal roelof den last drage(n)/ behoudelick dat die wynne die ghereetscap halen sal dairt/ behoeft Item de wynne sal de lande wynne(n) meste(n) ende besayen/ wel en(de) loflick met ghetijdege(n) voren ghelijck reghenoete(n) ende/ besaeyt laten en(de) bedrive(n) ghelijck hijt vonden heeft zond(er) hoervruchte(n)/ ten ware met roelofs consente Item de wynne sal den voirs(creven) roelove/ jairlix [geve(n) en(de)] leve(re)n te loeven(en) iiii mandelen stroes It(em) de wynne sal den/ vors(creven) roeloeve jairlix doen tot loven(en) iiii carweyden met sine(n) wagene/ en(de) p(er)den en(de) dan sal roelof den wynne teten geven en(de) den p(er)den/ It(em) roelof sal moge(n) scheyde(n) talle(n) drie jaire(n) op dat hem gelieft/ bij alsoe dat hijt den wynne een jair te voren segge(n) sal It(em) de/ wynne en sal negheen lande vanden voirs(creven) goeden voort moge(n) uutgeve(n)/ noch ande(r) liede goede wynne(n) sond(er) roelofs (con)sent It(em) de wynne sal/ int hof late(n) alsoe vele mest alst hij dair vynden sal [gevonden heeft] en(de) de voirs(creven)/ goede tot sine(n) afscheyden bevreedt en(de) begrecht laten alsoe hij die oec/ bevonde(n) heeft tot sine(n) aencomen(en) It(em) de wynne sall jairlix de beke(n)/ grechte(n) wat(er)leyden en(de) strate(n) vaghen en(de) make(n) aen die goede liggen(de)/ alsoe dat roelof dair af egheene schade en hebbe It(em) sal de selve/ wynne jairlix merghelen ii boend(er) lants en(de) roelof sal dien betale(n)/ op de cuyle ende de wynne saelt hale(n) It(em) es voort vurw(er)de/ oft de voirs(creven) wynne [binne(n) den vors(creven) t(er)mine] in gebreke wae(re) van voldoene van e(n)nighen/ vande(n) voirs(creven) pointe(n) [inder vors(creven) pechtinge(n) begrepe(n)] dat de voirs(creven) roelofs die ten coste des voirs(creven)/

wynne(n) [die] sal moge(n) doen doen [ten coste svors(creven) wi(n)ne(n)] Ende alle dese vurw(er)den (con)dicie(n)/ ghelufte(n) [heeft gelooft de voirs(creven) wyn den voirs(creven) roelove(n) vast en(de) gestedich te houde(n) (et)c(etera)] (et)c(etera) cor(am) colonia hoeve(n) julii xxi