It(em) machiel vanden rijne zone arnts wijlen vanden rijne heeft/ opghedraghe(n) met recht(er) verthienisse(n) de goede en(de) erfchijs h(ier) onder/ beschreve(n) Inden yerste(n) de helicht van eenre perssen metter/ helicht vanden hove dair toebehoren(de) en(de) metten ande(re)n sijne(n) toebehorte(n)/ ghelijck de selve persse ghelege(n) es inde wijng(ar)tstrate tussche(n) dwoonhuys/ henricx vanden rijne gielijs rogghe en(de) gheertruyde(n) vande(n) rijne sijns/ wijfs op deen zijde ende de goede m(ar)grieten ymbrechts in dand(er) zijde/ ghelijck den voirs(creven) hoff vanden hove des voirs(creven) henricx vanden rijne/ gielijs rogghe ende sijns wijfs ald(aer) ghelege(n) met zeke(re)n pale(n) en(de) teeken(en)/ verscheyde(n) es dair af dand(er) helicht der selv(er) perssen nu t(er) tijt gielijse/ rogghe toebehoren(de) es Item viere stuv(er)s der mu(n)ten ons gened(ichs) shee(re)n/ ts(er)toghen van bourg(oig)[ne(n)] en(de) van brabant (et)c(etera) erfflijk(er) rinte(n) als vander/ helicht van eene(n) hollan(sche) gul(den) erfflijk(er) rinte(n) ten behoirlijken tijden te/ betalen(e) die de voirs(creven) machiel houden(de) es aen en(de) op een huys en(de)/ hoff met sijnd(er) toebehoirte(n) jans reymair ghelege(n) inde wijng(ar)tstrate
//
naist der perssen ald(aer) ende den voirs(creven) machiele vande(n) rijne met/ alle(n) rechte h(ier) af uutghedaen en(de) met allen uutghewijst sijnde soe/ es dair inne ghegoedt met eene(n) erfflijken rechte gielijs rogghe/ voirs(creven) bij orlove en(de) manisse(n) shee(re)n vanden gronde en(de) wijsdo(m)me d(er)/ scepen(en) opde vurw(er)den en(de) condicie(n) h(ier) ond(er) besc(re)ven Inden yersten/ dat de voirs(creven) michiel tot ewighe(n) daghe(n) sine(n) wech hebben ende/ behoude(n) sall doer de voirs(creven) perse viere voete breet gaens ende/ keerens tot sijne(n) wijng(ar)de ald(aer) naist [acht(er)] gelege(n) ald(aer) den selve(n) wech/ nu gheet zonder den selve(n) wech bijden voirs(creven) mychiele oft sijnen/ naecomelinge(n) verleet te worden in e(n)nig(er) manie(re)n ende dat de voirs(creven)/ machiel vanden rijne en(de) gielijs rogghe tslot vand(er) voirs(creven) persdoren/ tot ewijghe(n) daghe(n) ten ghelijke(n) coste houde(n) zulle(n) It(em) dat de voirs(creven)/ gielijs erfflic in toecomen(de) tijde(n) uut sijnre helicht vand(er) voirs(creven)/ perssen en(de) hove dair toebehoren(de) ten behoirlijke(n) tijde(n) gelden ende/ betale(n) sall xviii st(uvers) erfchijs van dien i(½) rinsch(er) gul(den) en(de) iii(½) stuv(er)s/ erfs chijs die de voirs(creven) helicht vand(er) voirs(creven) perssen mett(er) helicht/ vanden hove dair toebehoren(de) en(de) deen helicht vander helicht van/ drie vierendeel wijng(ar)ts toebehoren(de) den voirs(creven) machiele ald(aer) gelege(n)/ dair af dand(er) helicht vand(er) selv(er) helicht vanden selve(n) wijng(ar)de den/ selve(n) gielijse toebehoert tsame(n) schuldich sijn te dragen(e) nae inhoudt/ der deilinghe(n) tussche(n) henricke(n) en(de) michiele vande(n) rijne ghebruede(re)/ gielijle rogghe en(de) joese cruyplants als momboir hue(re)n huysvrouwe(n)/ xii daghe in februario int jair xiiii[c] lix ghemaect zonder den/ voirs(creven) wijng(ar)t des voirs(creven) machiels vande(n) voirs(creven) xviii st(uvers) erfchijs/ e(n)nighen last oft co(m)mer te hebbene Ende de voirs(creven) machiel sall/ jairlix gelden en(de) betale(n) oic te(n) behoirlijke(n) tijde(n) uut sine(n) wijngarde/ voirs(creven) tsurplus vande(n) selve(n) i(½) rinsch(er) gul(den) en(de) iii(½) st(uvers) bliven(de) over/ de voirs(creven) xviii st(uvers) sonder de voirg(eruerde) goede des voirs(creven) gielijs rogghe/ van dien surplusse e(n)nighe(n) last oft co(m)mer te hebbene Ende te/ meerd(er) vestich(eit) van desen elck p(ar)tije der ande(r) te doene soe heeft/ de voirs(creven) machiel sijn helicht vand(er) helicht vande(n) iii vierendeel/ wijng(ar)ts voirs(creven) ter eenre zijde(n) ende de voirs(creven) gielijs rogghe/ de voirs(creven) gheheel persse mette(n) hove dair toebehoren(de) ghelegen/ als voe(r) It(em) die wed(er)helicht vand(er) helicht der voirs(creven) drie/ vierendeel wijng(ar)ts ghelijck hij hi die teghe(n) joese cruyplants
//
vercreghen heeft ter and(er) zijden in tijtle van wettighe(n) ond(er)pande/ bij orlove tshe(re)n vanden gronde wettelijke(n) verobligeert en(de) v(er)bonde(n)/ ende elck van sine(n) ond(er)pande den ande(re)n ghelooft ghenoech te doene/ Alsoe dat elken van hen voir hem en(de) sine(n) erve(n) ende naecomelinge(n)/ tot ewighe(n) daghe(n) vast en(de) zeker sal moghe(n) wesen cor(am) tymple hoeve(n)/ januarii xxvi