It(em) gielijs vander stoct ende barble uuten hove gheheete(n) zedelee(re)/ sijn wijff in p(rese)nc(ia) hebben ghelooft ind(ivisim) h(ere)n willeme edelhee(re) prieste(r)/ dat sij tusschen dit ende paesschen naistc(omende) lossen en(de) afquijte(n) zullen/ alsulken rijd(er) erfflick alle jaire opden lesten dach zond(er) eene(n) van novemb(er)/ te betale(n) die jan wijlen vleuschuys molde(r) teghen den voirs(creven) gielijse gecocht/ en(de) ghecregen heeft aen ende op huys en(de) hoff mett(er) toebehoirte(n) gheleghen/ inde bieststrate omtrent den verkensdonck tussche(n) de goede jans van barle/ en(de) de goede henricx van beverlits metgad(er)s op een huys ghelege(n) acht(er) de/ goede wijle(n) jans van screyberghe nu henricx van bev(er)lits voirs(creven) gelege(n)/ inde bieststrate ten ey(n)de vande(n) hove des voirs(creven) gielijs Op welke voirs(creven)/ goede de voirs(creven) h(er) wille(m) dair nae eene(n) rijd(er) erfflick ghecocht ende/ ghecreghen heeft oft den selve(n) h(er) willeme alsdan voir den voirs(creven) [sine(n)] erfrijde(r)/ tot eene(n) ond(er)pande te setten(e) totte(n) voirs(creven) goede alsoe vele erf goeden/ als weert sijn zulle(n) bove(n) alle(n) co(m)mer dair voe(r) uutgaen(de) eene(n) rijd(er) erfflick/ Et t(antu)m op eene(n) banduyn van iii rijd(er)s tot behoeff ons gened(ichs) shee(re)n/ cor(am) col(onia) meersb(er)ghe febr(uarii) xviii