It(em) nae dien dat lodewijck wijlen de rijke die met amelrijke de/ swertte(re) ende henrico wijlen van loen als borghe symoens drabbe/ en(de) jans drabbe des jonghen brued(er) desselfs symoens verbonde(n) was/ met scepen(en) brieve(n) d(aer) op ghemaect int jair xliii[tich] ix dage/ in novemb(ris) in vijff rijd(er)s lijftochte(n) ten live johanne(n) gorijs docht(er)/ henricx en(de) florentijne(n) ramp(ar)ts natuerlijk(er) docht(er) meest(er) wouter/ ramp(ar)ts en(de) de selve lod(ewijck) wijlen de rijke de voirs(creven) vijff rijd(er)s aen/ meest(ere)n woute(re)n ramp(ar)t die theffen dair inne hadde ghekuelt/ en(de) vernueght heeft alsoe dat d(aer) o(m)me de selve meest(er) woute(r) die/ voirs(creven) brieve(n) ten selve(n) rechte ov(er) ghegeve(n) heeft janne vande(n) borchove(n)/ o(m)me die lijftochte mette(n) acht(er)stelle der selver te vervolgen(e) aen symoene/ en(de) janne drabbe ghebrued(ere) ende henricu(s) wijle(n) van loen voirs(creven) en(de)/ de selve brieve voort bij myddele vande(n) selve(n) janne vande(n) borchove(n)/ en(de) gheerts jonchke(re)n ov(er)ghegeve(n) sijn ten selve(n) rechte janne/ tielens knape desselfs jans vande(n) borchove(n) o(m)me die te v(er)volgen(e)/ aen symone en(de) janne drabbe voirs(creven) en(de) huer goede en(de) die selve/ jan tielens yerst tvonnisse van sine(n) brieve(n) ghenome(n) hebben(de) met/ rechte voortghevaren heeft op janne drabbe voirs(ceven) soe verre/ dat de selve jan tielens met janne vande(n) borchove(n) en(de) lod(ewijcke) uut(er)/ helicht als erfgename(n) lod(ewijx) wijle(n) srijken voirs(creven) t(er) eenre zijde(n) ende/ de voirs(creven) jan drabbe t(er) ande(r) zijden come(n) sijn voir den raide vand(er)/ stad Ald(aer) de voirs(creven) jan drabbe meynde vande(n) voirs(creven) scepen(en) brieve(n)/ onghehoude(n) te zijne ghem(er)ct dat hem niet voe(r) en stonde dat/ hij hem d(aer) mede verbonde(n) hadde Dair op de voirs(creven) jan tielens/ en(de) derfghename(n) lod(ewijx) wijlen srijken voirs(creven) alligeerde(n) seggen(de) dat/ jan drabbe inde(n) voirs(creven) brief alsoe wale stont verbonde(n) als lod(ewijck) de/ rijke ende alsoe vele meer d(aer) mede verbonde(n) was want de selve jan/ drabbe den voirs(creven) lod(ewijcke) ende sine(n) medeplichte(re)n ghelooft hadde schadeloes/ tontheffene Soe es ten uut(er)sten bij den raide ghet(er)mineert dat/ de voirs(creven) jan drabbe ghehoude(n) sal sijn sijn aenghedeelte vanden/ p(ri)ncipale(n) der lijftochte(n) en(de) desgelijcx sijn aengedeelte vande(n) acht(er)stelle/ der selv(er) den voirs(creven) janne tielens te vernuegen(e) en(de) te betalen(e) en(de)/ dair mede ghestaen cor(am) lyeminge(n) burg(imagistr)o et aliis de pleno (con)silio/ maii vii[a]