Van henr(ic) vander aa als momboir der kynde(re)n robbrechts wijle(n) de loeze/ ende vand(er) weduwen desselfs wijlen robbrechts/ It(em) nae dien dat henrick vander aa voir hem ende ande(re)n/ momboren vanden kynde(re)n robrechts wijlen de loese in deen/ zijde ende de weduwe desselfs robrechts in dand(er) zijde hen/ verbonden ende ghesubmitteert hadden inden burg(er)meest(ere)n/ scepen(en) ende raid der stad van loeven(en) alse vanden stoete/ en(de) discorde die tusschen hen opverresen was aengaen(de) den/ goeden die waren des voirs(creven) wijlen robbrechts Te weten van/ allen den goeden dair op der selver weduwe(n) huer duwarie soude/ moghen slaen die niet beg(ri)pen en sijn in alsulker guedinge(n)/ oft quitancie(n) die de voirs(creven) henrick tande(re)n tijden in rechte voir/ meye(r) en(de) scepen(en) van loeven(en) tsegen der voirs(creven) weduwen ende/ tseghen huer brieve van hue(re)r duwarien spreken(de) van ii[c]/ clinck(ar)de ghebracht heeft Van welken brieve(n) ende quitancie(n)/ ende desghelijcx vanden brieve(n) vand(er) duwarien de copien/ h(ier) nae volgen zullen van worde te woorde Soe eest dat/ den raid vander stad yerst bij overgeven(en) vanden eyssche des/ voirs(creven) henricx ende verantweerde(n) der voirs(creven) weduwen en(de)/ replijke ende duplijke dair op volgen(de) Vanden voirs(creven) zaken volcome(n)/ informacie(n) ghehadt hebbe(de) ende die wel rijpelijken gheinsiteert/ en(de) elcx recht en(de) bescheit dair inne ghewegen ende voort/ mondelinghe informacie(n) vanden p(ar)tijen ghehoort hebben(de) hebben/ de voirs(creven) burg(er)meest(er)s scepen(en) ende raid bij machte der voirs(creven)/ submissien en(de) oic bij ov(er)geven(en) en(de) consente van beyden p(ar)tijen/ uutghesproken ghet(er)mineert en(de) gheappoenteert Inden yerste(n)/ dat alle de voirs(creven) goede dair op de voirs(creven) weduwe mits machte/ van hue(re)n scepen(en) brieve(n) van duwarie(n) de selve duwarie zoude/ moghen eysschen ende welke goede inder goedinghe(n) gheerts/ vander aa ende quitancie(n) voirgheruert niet begrepen en sijn/ zulle(n) volgen den voirs(creven) henricke vander aa tot behoef vande(n)/ kynde(re)n voirs(creven) Behoudelijke(n) dat de selve kynde(re) dair uut
//
der voirs(creven) weduwen jairlix soe vele rinten betalen zullen/ als de helicht van dien goeden ter dueghdelijker rekeninghe(n)/ ghedraghen sal bove(n) last en(de) co(m)mer dair uutgaen(de) Welke/ helicht bijden raide vand(er) stad in geltrinten getaxeert sal/ wordden nae datme(n) die ghelegentheit vand(en) selve(n) goeden/ last en(de) co(m)mer sal weten ende die bijden raide vand(er) stad/ ghebracht zullen wordden ende dat alsoe lange de voirs(creven)/ weduwe leve(n) sal en(de) niet lange(r) Ende als vanden beempde(n)/ toebehoren(de) den hove van arkenen beg(ri)pe(n) ind(er) guedinge(n) des/ voirs(creven) gheerts vand(er) aa es huer uutsprake en(de) appoentme(n)t/ dat evenverre de voirs(creven) henrick ghethoone(n) can dat jan de/ smet die wyn was des voirs(creven) hoofs van arkenen op dat(um)/ der voirg(eruerde) guedinghen te weten(e) int jair van xl xxv/ in februario de voirs(creven) beempde mede in jairscharen hadde/ en(de) dier ghebruycke oft ande(r) van sine(n) wege(n) dat in dien/ ghevalle de selve beempde volge(n) zulle(n) der guedinge(n) voirs(creven)/ Ende evenverre hij des niet en thoonde soe zulle(n) die beempde/ soe verre die de voirs(creven) jan de smet doen ter tijt metten/ ande(re)n goeden niet houden(de) en was bij hem selve(n) oft ande(re)n soe/ voirs(creven) steet volgen den voirs(creven) kynde(re)n Behoudelijken der voirs(creven)/ weduwen dair af huer jairlijke rente(n) vander helicht vand(en)/ p(ro)fijten vanden selve(n) beempde boven den co(m)mer en(de) last d(aer) uutgaen(de)/ in sulker manie(re)n als vanden ande(re)n goeden bove(n) ghescreve(n) es/ It(em) es voort huer uutsprake en(de) appoentiment als vande(n) goede(n)/ gelege(n) bynne(n) der stad ende vrijheit van bruessele dat de/ p(ar)tijen ende elck van hen van dien en(de) oic vanden leengoede(n)/ welke leengoede ind(er) voirg(eruerde) guedinghen en(de) quitancie(n) niet/ beg(ri)pen en sijn wair die ghelege(n) sijn zullen blive(n) staende op/ huer goet recht Item en(de) nae dat die weerde vanden/ voirs(creven) goeden dair af de voirs(creven) weduwe deen helicht vanden/ p(ro)fijten hebben zoude na begrijp der uutspraken voirs(creven) gebracht
//
sall sijn ende die taxacie in geltrinte(n) gedaen sall/ wesen sal de voirs(creven) henrick vander aa als momboir/ der kynde(re)n der voirs(creven) weduwen alsulken vesticheit/ doen als den raide vand(er) stad redelijken en(de) genoech/ sal duncken op dat sij des mynlijken niet en ov(er)come(n)/ Ende mits desen appoentemente uutsprake en(de) t(er)minacie(n)/ zullen de voirg(eruerde) p(ar)tijen van al des voirs(creven) en(de) voirgeruert/ es vereffent en(de) beslicht sijn en(de) blijven tot ewegen/ daghen [zonder deen] der ande(r) dair af vordere te moeden(e) te vexeren(e)/ oft in rechte te betrecken(e) gheestelick oft weerlick bij/ hen selven oft bij yeman(de) and(er)s in e(n)nig(er) manie(re)n/ Behoudelijke oft hier inne e(n)nighe donck(er)heit/ bij diversen verstennissen oft and(er)ssins gheviele oft/ ghebuerde dair af heeft den raid vand(er) stad voirs(creven)/ tot huerweert gheres(er)veert huer dueghdelijke int(er)p(re)tacie/ ende verclee(re)n Actu(m) in pleno (con)silio cor(am) d(omi)no/ jacobo ex lyeminge(n) et joh(ann)e ouderogghe burgim(a)g(ist)ris/ et aliis de pleno (con)silio novembr(is) xx