It(em) joh(ann)es vanden speelhove na(tur)lic ende alijt oliviers sijn wijff in/ p(rese)ncien der scepen(en) van loven(e) ghestaen hebben ghelaudeert en(de) geapp(ro)beert/ voir hen hue(re)n erve(n) en(de) naecomelinge(n) alsulken guedinge als arnt wijlen/ vanden velde ziede(r) als gheleydt totten goede(n) goessens wijle(n) uuten lyeminge(n)/ sadelmakers ghedaen heeft gielijse van oucle ond(er) den ande(re)n van eene(n)/ huyse met allen sine(n) toebehoirte(n) geleghe(n) bijden kerchove van sinte peters/ te loeven(e) tussche(n) thuys gheheete(n) den moriaen aen deen zijde ende/ de goede henricx wijlen vander lynden schoe(n)mak(er)s in dand(er) zijde hem/ acht(er)wert [uut] streckende met eene(n) cleyne(n) huyse tot inde prooftstrate tussche(n)/ de goede des voirs(creven) wijlen henr(icx) vand(er) lynden ende andries ylkaerts gelijck/ de scepen(en) brieve van loven(e) d(air) op ghemaect int jair onss hee(re)n xiiii[c] xlv[tich]/ xxii daghe in novembri dat volcomelijker moghe(n) uutwijsen en(de) beg(ri)pen/ Hebbe(n) insglix de selve ghehuyssche(n) ghelaudeert gheratificeert en(de) geapp(ro)beert/ alsulken guedinge als de voirs(creven) gielijs van oucle uut machte van sijnre/ voirs(creven) gued(inge) voort ghedaen heeft aen goessene vanden speelhove na(tur)lic vande(n)/ gheheelen huyse voirs(creven) ghelijck dat aen sinte peet(er)s kerchoff te loven(e) gelege(n)/ es tussche(n) de reghenoeten voirs(creven) gelijck de scep(enen) brieve(n) van lov(ene) d(air) op gemaect/ int jair xiiii[c] xlv[tich] xxii daghe in no(vem)[br(i)] volcomelijken uutwijse(n) en(de) beg(ri)pen/ Hebben voort de selve ghehuyssche(n) gheratificeert geapp(ro)beert en(de) gelaudeert/ alsulken guedinge als de voirs(creven) goessen uut machte sijnre guedinge(n) voirs(creven) voort/ gedaen heeft aen andriese ylkaerts gheheete(n) laureys van eene(n) huyse/ gheheete(n) decht(er)ste huys afghesplete(n) vanden huyse gheheete(n) den wittenhoevel/ gelegen aenden kerchoff van sinte peet(er)s te loven(e) met eenre kokene(n) en(de) met/ eenre voute(n) en(de) met ii came(re)n bij een ghelege(n) comen(de) voe(r) aen de prooftstrate/ van welken came(re)n deene eene(n) schoersteen heeft en(de) noch met eene(n) ande(re)n/ solde(r) gheheete(n) houtsolde(r) gelege(n) bove(n) deene vande(n) ii came(re)n noch met eenre/ cleynd(er) came(re)n met eend(er) heymelich(eit) d(air) inne staen(de) tot aen de gothe vande(n) huyse/ gheheete(n) den moer en(de) vortaen met alle(n) ande(re)n sine(n) toebehoirte(n) op vijff/ gulden(en) pe(n)ninghen gheheete(n) rijders d(er) mu(n)ten ons gened(ichs) she(re)n tsh(er)toge(n) van bourg(oig)[nen]
//
ende van brabant van goude goet ende ghinghe erfflijker rinten alle/ jaire te kersmisse te bet(alene) den voirs(creven) goessene sine(n) erve(n) ende naecomelinge(n)/ erfflic in toecomen(de) tijde(n) ghelijck de scepen(en) brieve(n) van loeven(e) dair/ op ghemaect int jair xiiii[c] eenenvijftich xx daghe in januario/ volcomelijk(er) uutwijse(n) en(de) beg(ri)pe(n) (et)c(etera) Ende hebben voort de selve/ joh(ann)es ende alijt sijn wijff ghelaudeert en(de) gheapp(ro)beert alsulke(n)/ guedinghe als de selve voirs(creven) goessen uut machte vand(er) selv(er) sijnre/ voirs(creven) guedinghe(n) ghedaen heeft aen andriese van roesmeer zone/ wijlen wout(er)s alse van eene(n) huyse met alle(n) sine(n) rechte(n) en(de) toebehoirte(n)/ ghelege(n) bij sinte peet(er)s kerchoff te loven(e) tussche(n) thuys gheheete(n) den/ moriaen ende de goede jans de poirte(re) comen(de) acht(er)weert tot aen de/ goede andries ylkaerts op achte gulden(en) rijders erfchijs ende rinten/ voe(r) den dat(um) van dien daghe ghemu(n)t tsinte jansmisse baptisten/ te betalen(e) insgelijcx den voirs(creven) goessene sine(n) erfgename(n) en(de) naecomelinge(n)/ erflick in toecomen(de) tijde(n) ghelijck den scepen(en) brief van loven(e) dair/ op ghemaect int jair xiiii[c] liii vijff daghe in meerthe dat volcomen(lijker)/ inhult ende beg(rij)pt Gheloven(de) de voirs(creven) ghehuyssen den voirg(enoemde)/ goessene inden name(n) en(de) tot behoef van hem selve(n) en(de) inde(n) name/ ende tot behoef vanden godshuyse van vyleer en(de) een yegelijcx and(er)s/ dien dat aengaen mach oft aengaen soude moge(n) altijt ghenoech te/ doene Renu(n)cieren(de) verthien(ende) ende afgaen(de) de selve ghehuyssche(n)/ alle huers srechts en(de) actie(n) dat sij aen de voirs(creven) goede uut versterften/ goessens wijle(n) uute(n) lyeminghe(n) sadelmak(er)s oft uut ocsuyne van testamente/ bij gheertruyde(n) wijle(n) vanden speelhove wed(uwe) des voirs(creven) wijle(n) goessenen/ uute(n) lyeminghe(n) ghemaect inde voirs(creven) goede hebbe(n) oft hebbe(n) zoude/ moghe(n) oft hen toebehoirt oft toebehore(n) zoude moghe(n) in enig(er) manie(re)n/ P(ro)mitten(tes) nullat(enu)s alloqui et de p(re)miss(is) erga quoscu(m)q(ue) r(e)c(t)am p(ro)sta(r)e/ warandia(m) cor(am) witte cok(eroul) maii xxviii