It(em) het sijn come(n) in rechte voir meye(r) en(de) scepen(en) van loeven(e)/ inde banck margriete weduwe zeghes wijlen vand(er) eyken in deen/ zijde ende laureys van wynghe in dand(er) zijde ald(air) de voirs(creven) m(ar)griete in/ rechte dede segghen hoe dat de voirs(creven) laureys huer [af] ghepant hadde/ vele div(er)se haefflijke goede van huer(er) zijden come(n) sijnde ende oic die/ cleede(re)n die wa(r)en zeghers wijlen huers mans bij haire ghemaect/ voir zeke(r) ghebreck van betalinghe(n) dat die selve laureys seyde te hebben(e)/ vander hueringhe(n) van eend(er) ziederien opde leye gheleghe(n) die de voirs(creven)/ wijlen zegher teghen den voirs(creven) wijle(n) laureyse ghehuert zoude hebben/ van in junio int jair lx eene(n) t(er)mijn van xi jairen elcx jairs/ om xiiii rinssche gul(den) ghelijck hij seyde dat der dekene boeck inne/ hielde ende begrepe En(de) dat hij voir ghebreck van dier hueringhen/ nae der dekenen rechte hadde doen leyden totte(n) goede(n) desselfs zeghers/ in januario anno lxi en(de) voort meer voe(r) ande(re) schulde(n) dair inne/ de voirs(creven) laureys mey(n)de dat wijle(n) zegher hem schuldich was/ bleve(n) nae zeke(re) rekeninghe(n) die tusschen hen gheschiet wa(r)en te weten(e)/ drie saluyte(n) ende eene(n) stuv(er) ghelijck de voirs(creven) laureys dat boot te/ thoonen(e) mette(n) minste(n) (et)c(etera) Vande(n) welke(n) de selve m(ar)griete ongehoude(n)/ meynde te zijde [zijne] ghemerct inden yerste(n) alse vanden hueringhe(n) dat/ tussche(n) den voirs(creven) laureyse ter eenre en(de) wijle(n) zege(re)n ter ande(re)/ omtrent viii daghe nae sinte jansmisse des nu sintejansmisse/ lestleden was ii jair ghehoude(n) was eene rekeninghe en(de) ind(er)
//
selver rekeninghen afgherekent was een jairhue(r) die verschenen/ was voir dat zegher der voirs(creven) m(ar)grieten trouwede ende alse vande(n)/ tweeste(n) jaire soe hadde henrick de ziede(re) [die] inde voirs(creven) ziederie in/ hueringhe(n) besitten(de) es den voirs(creven) laureyse de hueringhe betaelt bieden(de)/ de selve m(ar)griete de voirs(creven) pointe(n) te thoonen(e) ende metten mi(n)ste(n) (et)c(etera)/ Ende alsoe wa(r)e alle de gheheele hue(r) betaelt uutghescheyde(n) de hue(r)/ die viel ts(in)te jansmisse lestlede(n) welke hue(r) tsinte jansmisse v(er)schene(n)/ sijnde die huerlinck voirs(creven) laureyse voirs(creven) ghep(rese)nteert hadde ende/ alnoch p(rese)nteerde te ghevene de welke hij niet en heeft wille(n) aenv(er)de(n)/ It(em) ende als vander ghepander have(n) seeght sij dat tusschen zege(re)n ende/ hue(r) den huwelick [alsoe] was ghetracteert dat alle die vlegent erve/ ende haeflijke goede van seghers sijnde(n) [zijde(n)] come(n) sijnde ende die hij bij/ huer brachte op dat hij egheene ghebuerte van hair en hadde nae/ die doot van he(m) volghen zoude(n) sijnd(er) sijden om dair af betaelt te/ worddene sijn schout die hij te voren ghemaect mocht hebben Ende die/ haefflijke goede van huer(er) sijden come(n) sijnde zouden volghen huer(er)/ zijden in ghelijker manie(re)n Ende de have die sij tsame(n) vercrige(n)/ souden moghen volgen zouden halff ende halff elker zijde(n) van/ hen beyden behoudelick datmen dair af betalen zoude de schulde(n)/ die bij hen beyde(n) tsame(n) ghemaect zoude(n) moghen wordden bieden(de) dese/ voirs(creven) pointen te thoenen(e) ende metten mynsten Seggen(de) voort/ de selve margriete dat sij nae die doot zeghers wijle(n) voirs(creven) ten/ voirs(creven) laureyse van wynghe als momboir vanden wettighen kende/ des voirs(creven) wijlen zeghers dwelck de selve zegher hadde vander/ docht(er) des voirs(creven) laureys hadde doen p(rese)nteren ende kundighen/ dat hij alle die beruerlijke goede die come(n) wa(r)en vand(er) zijde(n)/ seghers wijlen vors(creven) woude aenverde(n) acht(er)volgen(de) der vurw(er)den/ voirs(creven) Met welken goede(n) alsoe vander zijden desselfs wijle(n)/ zeghers come(n) sijnde de voirs(creven) laureys niet en heeft wille(n)/ te vreden staen maer hem oic mede doen leve(re)n ende aenverdt/ zeke(re) haefflijke goede die come(n) sijn vand(er) zijde(n) m(ar)grieten voirs(creven)
//
ende oic een schoutboeck inhoudende zeke(re) schulden bij/ hen beyden ghemaect Ende soe hoopte de voirs(creven) m(ar)griete/ want de schulde(n) dair voir de voirs(creven) laureys de voirscr(even)/ goede aenverdt heeft ghemaect sijn bijden voirs(creven) wijlen/ zeghe(re)n al eer sij hem ghetruwet hadde dat de selve/ laureys ten mynste(n) van hue(re)n goeden van huer(er) zijden/ come(n) sijnde verdoolt sal sijn ghemerct oic mede want/ de voirs(creven) laureys van twee jairen vander hueren voirscr(even)/ betaelt was dat hij hem metter deken(en) rechte te vroech/ hadde doen leyden en(de) eer hij ghebreck van betalinghen hadde/ Soe es ten uutersten nae dat beyde p(ar)tije(n) toe hueren/ thonisse ghewesen wa(r)en ende de voirscr(even) m(ar)griete thoende/ de pointe(n) die sij huer vermete(n) hadde ghewijst dat laureys/ van wynghe metter pendinghen verdoolt es aen die goede/ die hij ghepandt heeft ende dat hij die selve ghepande/ goede restitue(re)n sall ende voort tschoutboeck bringhen/ in behoudender handt totter rechte cor(am) roeloff pynnock/ vyncke cokeroul ouderogghe octob(ris) penultima