It(em) es tusschen den vors(creven) gebruede(re)n t(er) eenre zijde(n) en(de) meest(er) ja(n)ne/ rombouts t(er) andre zijde(n) dat bevorwert en(de) ond(er)sproke(n) dat de selve/ gebruede(re) tot hue(re)n laste gelde(n) en(de) betale(n) sulle(n) alle de v(er)lopen chijse/ die opde goede v(er)loepe(n) sijn totte(n) dage toe va(n) hede(n) en(de) die voirt/ v(er)loepe(n) sulle(n) tot kermisse naestcomen(de) incluys uutgesceide(n) eene(n)/ rins gul(den) aen gorise wante en(de) (½) rins gul(den) aen henr(icke) va(n) lyntre/ die meest(er) jan huer da(n) alsda(n) tot sine(n) laste drage(n) moet en(de) betale(n)/ en(de) desgelijx voert dat de selve meest(er) ja(n) gelde(n) sal en(de) betale(n)/ tgene dat zeder sinte jansmisse [herwert] aede goede geleet is d(air) inne dat/ de vors(creven) gebruede(re) nae recht gehoude(n) sijn soude(n) en(de) and(er)s niet/ En(de) hier op sal de(n) vors(creven) meest(er) ja(n)ne volge(n) de hueri(n)ge vande(n)/ vors(creven) huyse die te kers(misse) v(er)schine(n) sall cor(am) eisd(em)