It(em) alse vand(er) gelufte(n) vande(n) x peet(er)s voirs(creven) es vurw(er)de bij oppenba(r)en/(con)sente en(de) ov(er)gevene willems va(n) molle en(de) wout(er)s de becke(re) van/ weghe(n) laureys vors(creven) den welke(n) de vors(creven) wille(m) en(de) woute(r) in dese(n)/ op hen genome(n) hebbe(n) en(de) geloeft te v(er)vane dat de vors(creven) sculde(re)n/ vanden selve(n) x peet(er)s ongehoude(n) sijn sulle(n) en(de) blive(n) eve(n) v(er)re dat/ de vors(creven) he(n)ric vande(n) velde hem binne den xl daghe(n) vors(creven) buyte(n)/ lants geport heeft o(m)me de vors(creven) bedev(ar)t te meylane(n) te doene/ en(de) die voldaen hebben(de) binne(n) vi weke(n) nae sijn porre(n) wed(er)o(m)me/ compt tot loven(e) en(de) d(aer) af sijn waerh(eit) bijbringt gelijc vors(creven) steet/ m(aer) oft hij binne(n) den vi weke(n) nae sijn porre(n) volgen(de) aflivich wordde/ en(de) de sculdeers dat met goed(er) waerh(eit) dade(n) blike(n) dat dan de/ selve sculdeers ongehoude(n) sijn sulle(n) vand(er) schult vande(n) x peet(er)s/ vors(creven) in gevalle oft sij noch ombetaelt uut stont uutsteet en(de)/ de vors(creven) laureys sal sculdich sijn die schult te restitue(re)n in gevalle/ oft hijse gehave(n) hadde Desgelijx oec oft de selve henric/ vande(n) velde nae de vors(creven) vi weke(n) selve te loven wed(er)keerde/ en(de) alsd(an) met goed(er) waerh(eit) dade blike(n) dat hij mids notabele(n)/ siecheide(n) oft gewarige(n) gevenckenisse(n) belett en(de) v(er)achtert is
//
geweest dat hij binne(n) de vi weke(n) nae sijn porre(n) volgen(de) niet/ en heeft geconne(n) noch gemoge(n) tot loven(e) wed(er)o(m)me te kee(re)n dat/ hij oec en(de) de sculdeers vors(creven) in die(n) gevalle ongehoude(n) sullen/ sijn vand(er) schult vors(creven) en(de) oic de vors(creven) laur(eys) gehoude(n) te/ restitue(re)n in gevalle oft hij die gehave(n) hadde Behoudelic/ altijt al waert soe dat hem enige siecheit oft gevenckenisse/ aenq(ua)me dat hij t(er) stont vand(er) siecheit genese(n) sijnde oft/ vand(er) gevenckenisse(n) ontslage(n) t(er) stont sond(er) aflate(n) sculdich sal/ sijn te loven(e) te ke(re)n sond(er) buyte(n) lants woenachtich thueven oft/ meiri(n)ge? te houden cor(am) eisd(em)