Item vrancke van lychy in deen zijde ende collay vanden bossche in/ dander zijde hebben voir den raide vander stad tegen malcande(re)n dach/ van rechte genome(n) te rechte te comen(e) voir meye(r) ende scepen(en) van/ loeven(e) op in sat(er)daghe naestcomen(de) te mistijde alse vander pechtinge(n)/ vanden goeden gelege(n) te meylhem den voirs(creven) vrancken toebehoren(de)/ die de voirs(creven) collay vanden zelven vrancken eene(n) t(er)mijn van jairen/ met scepen(en) brieve(n) van loeven(e) in pechtinge(n) genome(n) heeft ende/ over den selven vrancken met rechte ghevonnist tot welken daghe(n)/ de voirs(creven) p(ar)tijen in beyden zijden ghelooft hebben te rechte te comen(e)/ ende rechts te pleghen(e) cor(am) willem(air) burg(imagistr)[o] et aliis de consilio/ aprilis xxviii