It(em) cond zij alle(n) liede(n) dat woute(r) peperlinc wonen(de) inde p(ro)chie va(n)/ binckem in p(rese)nc(ia) heeft genome(n) en(de) bekint dat hij genome(n) heeft va(n)/ joffr(ouwe) lijsbethe(n) weduwe jacops wile(n) blanckart dwinhoff d(er) selv(er)/ joffr(ouwe) lijsbethe(n) gehete(n) te silv(er)berghe mette(n) huyse(n) hove(n) wynnen(de)/ landen d(aer) toebehoeren(de) en(de) mett(er) weyen gelege(n) omtre(n)t de(n) vors(creven)/ hove en(de) metten beemde va(n) moutbroeck Te houde(n) en(de) te/ hebbene en(de) oec te wi(n)ne(n) va(n) half m(er)the naestcomen(de) eene(n) t(er)mijn/ va(n) xii jare(n) lang due(re)nde deen nae dand(er) sond(er) middel volgen(de)/ elx jaers dae(re)n binne(n) te wete(n) de wynnen(de) lande t(er) helicht/ en(de) de vors(creven) weye mette(n) beemde te moutbroec elx jaers voe(r)/ en(de) o(m)me xix peet(er)s xx gul(den) elke(n) guld(en) te x stuv(er)s gereke(n)t/ te wete(n) deen helicht opde(n) ierste(n) dach va(n) meye en(de) half/ tons(er) liev(er) vrouwe(n) daghe purificacie te betalene der vors(creven)/ joffrouwe lijsbetthe(n) [jarlix] den vors(creven) t(er)mijn due(re)nde en(de) telke(n) t(er)mijne/ als v(er)volghde schout Opde vurw(er)de(n) en(de) (con)dicie(n) hier onder/ bescr(even) inde(n) ierste(n) dat de vors(creven) joffr(ouwe) lijsb(ette) en(de) de wi(n)ne va(n)/ malcande(re)n scheide(n) moge(n) bi(n)ne(n) den ierste(n) vi jai(r)e op dat hen oft/ enige(n) va(n) hen gelieft behoud(elic) dat die ghene die scheide(n)
//
wilt dat den and(ere)n een jair te voe(re)n condige(n) sal en(de) late(n)/ wete(n) It(em) sal de vors(creven) wi(n)ne de vors(creven) winnen(de) lande jairlix sinen/ t(er)mijn duerende winne(n) werve(n) en(de) mesten gelijc goede regenote(n)/ te wetene den wint(er) aert op iiii getidege vore(n) den g(er)sten aert/ op iii en(de) den even(en) aert op ii getidege vore(n) en(de) die late(n) tot/ sine(n) afscheide(n) gelijc hij die vint tot sine(n) aencome(n) Ite(m) ten/ oexte alst coren rijp is en(de) men dat afdoen sall so sal de/ vors(creven) wi(n)ne d(er) vors(creven) joffr(ouwe) lijsbette(n) te loeven(e) met sine(n) wage(n)/ en(de) p(er)den come(n) halen en(de) alst voldae(n) is huer wed(er)o(m)me thuys/ bringe(n) It(em) alsme(n)t tcore(n) opde velde binde(n) sal da(n) sal de/ vors(creven) joffr(ouwe) lijsb(ette) ald(aer) hue(re)n cnape sinden die de bande sal/ hulpen slaen en(de) de wi(n)ne sal hem den montcost geve(n) va(n)/ des den dage tidich is en(de) bier te drinckene en(de) de wi(n)ne saelt/ tcore(n) afdoen op sine(n) cost en(de) der joffr(ouwe) gedeelte va(n) hue(re)n/ coerne ierst int schue(re) vue(re)n It(em) soe wa(n)neer de vors(creven) joffr(ouwe)/ lijsb(ette) huer core(n) gelieve(n) sal te doen derssche(n) so sal de wi(n)ne/ den selve(n) derssche(r) vueden om de crinsen en(de) hem geve(n) des/ den dage tidich is en(de) bier te crinckene en(de) bedde om slapen/ It(em) es oec vurw(er)de soe wa(n)neer dat d(er) vors(creven) joffr(ouwe) lijsbetthe(n)/ op huer vors(creven) hoff gelieve(n) sal te come(n) dat sij dan tot/ hue(re)n v(er)doene hebbe(n) sal de clein came(r) aende coekene/ en(de) desgelijx voir huer p(er)de die sij met huer bringht/ hoy stroe en(de) stellingen It(em) allet stroe dat jaerlix vanden/ goeden come(n) sal dat sal de wi(n)ne bi(n)ne(n) den vors(creven) hove/ met sine(n) beeste(n) ette(n) en(de) slite(n) en(de) mestmake(n) en(de) dat opde/ lande vue(re)n alsoe wale opde verste als opde naeste tot/ hue(re)n meesten p(ro)fijte It(em) sulle(n) noch de vors(creven) wi(n)ne en(de) joffr(ouwe)/ lijsb(ette) jaerlix te gelike coepe(n) tot thiene(n) om? iiii licht/ gul(den) stroe [dwelc de vors(creven) wi(n)ne tot sijnd(er) cost halen sal] o(m)me d(aer) af oec mest te make(n) en(de) dat te/ vue(re)n gelijc vors(creven) steet It(em) de vors(creven) wi(n)ne sal jaerlix betale(n)/ alle(n) den chijs uuten vors(creven) goeden gaende in afslaghe van/ sijnre pechtingen vors(creven) en(de) dat alsoe in tijts en(de) in uuren dat/ d(er) joffr(ouwe) d(aer) af egeen scade en gesciede en(de) oft d(aer) scade af
//
quame dat hij die selve dragen sal It(em) sal de vorscr(even)/ wi(n)ne jaerlix doen grave(n) een boend(er) lants en(de) d(aer) op sayen/ dat hen beiden gelieve(n) sal en(de) de joffr(ouwe) en(de) de wi(n)ne sulle(n)/ tgraefgelt te gelike betalen It(em) es voert vurw(er)de soe wa(n)neer/ de wynne op de goede enige crucke(n) oft grauwe erwete(n) saye(n)/ wilt voir sijn p(er)de dat da(n) de vors(creven) joffr(ouwe) lijsb(ette) d(aer) tegen/ hebbe(n) sal alsoe vele goed(er) evene(n) oft g(er)ste(n) als op gelijc goet/ wasse(n) sal tot hue(re)n v(er)doene It(em) sal de vors(creven) wynne d(er) vors(creven)/ joffr(ouwe) jairlix sayen [opde vors(creven) goede] een halst(er) lijsaets en(de) dlant d(aer) toe gereiden/ d(aer) af dat de selve joffr(ouwe) den saet vanden ierste(n) ja(r)e leve(re)n/ sal en(de) de wynne vanden and(ere)n jare(n) d(aer) nae volgen(de) en(de) ten lesten/ jare sal de vors(creven) wy(n)nne d(er) vors(creven) joffr(ouwe) een halst(er) lijsaets/ wed(er)o(m)me geven en(de) restitue(re)n en(de) alst tflas rijp es so sal dat/ de wi(n)ne afdoen en(de) dat wieden en(de) gereiden alsoet behoert/ totte(n) bokene toe It(em) sulle(n) de vors(creven) joffr(ouwe) en(de) de wynne/ half en(de) half hebben allet doeft dat opde vors(creven) goede jarlix/ wassen sal en(de) alst tijtverdich is soe saelt de wi(n)ne tot/ sijnd(er) cost afdoen en(de) t(er) eerden leve(re)n Es voert vurw(er)de dat de/ vors(creven) wi(n)ne d(er) vors(creven) joffr(ouwe) jairlix tot sijnd(er) cost den vors(creven) t(er)mijn/ due(re)nde alle huer helichtwi(n)ni(n)ge vors(creven) huer gedeelte va(n)/ hue(re)n hove [oefte] en(de) huer vessche(n) va(n) hue(re)n wouw(er)s ald(aer) gelegen/ leve(re)n sal te loeven(e) te diest tarschot oft te thiene(n) tot/ welk(er) plaetse(n) va(n) die(n) huer dat gelieve(n) sal en(de) huer/ core(n) op hue(re)n sulde(r) te lov(ene) en(de) alsd(an) sal de wi(n)ne hebbe(n)/ voir hem den montcost en(de) voir sijn p(er)den hoy en(de) stroe Sal/ voert de vors(creven) wi(n)ne d(er) vors(creven) joffr(ouwe) jairlix doen iiii carweyen/ t(er) plaetsen d(aer) huer die gelieve(n) sulle(n) elc carweye van/ eene(n) daghe Sal voert de vors(creven) wi(n)ne jairlix sine(n) t(er)mijn/ due(re)nde alle de lande grichten en(de) vrede(n) en(de) de vors(creven) joffr(ouwe)/ sal de dachue(re)n d(aer) af half bet(alen) en(de) de wi(n)ne dand(er) helicht/ en(de) de wynne sal den werclieden den montcost geve(n) It(em) es
//
voert vurwerde dat de vors(creven) wi(n)ne jairlix den vors(creven) t(er)mijn due(re)nde/ vand(er) vors(creven) joffr(ouwe) hebben sal iiii strunceyken als die houbaer/ en(de) outgenoech sijn te houdene alsoe v(er)re die aende wynnen(de) lande/ staen en(de) elswair niet Sal voirt de vors(creven) wynne hebbe(n)/ die boschweyde tot sinen p(er)den en(de) des sal hij de bossche bevrede(n)/ sond(er) nuwe grechte(n) die de vors(creven) joffr(ouwe) soude mogen doen/ make(n) en(de) de wi(n)ne sal sijn beste(n) doen huede(n) uute(n) selven/ bossche(n) tot de spruyte(n) out sijn iii jair Es voirt vurwerde dat/ de vors(creven) wi(n)ne alle ja(r)e bi(n)ne(n) den vors(creven) hove houde(n) sal drie/ vive(n)twintich scapen Sal voirt de vors(creven) wi(n)ne [op sine(n) cost] den drinkelie?/ uutvue(re)n en(de) alsd(an) sal de vors(creven) joffr(ouwe) d(aer) tege(n) va(n) hue(re)r hant eene(n)/bij [ma(n)] hem sette(n) die hem dat sal hulpe(n) laye(n) en(de) die(n) man sal/ de wi(n)ne den montcost geve(n) Sal voirt de vors(creven) wynne/ de weye vanden eeusselen [vande(n) vors(creven) goede(n)] eens binnen sine(n) t(er)mijne uut/ roeden te wete(n) alle hout brem en(de) and(er)s d(aer) d dat d(aer) inne/ wasse(n) sal Sal voirt de vors(creven) wi(n)ne jairlix den vors(creven)/ t(er)mijn due(re)nde d(er) vors(creven) joffr(ouwe) altoes te paessche(n) geve(n) en(de)/ leve(re)n een vet lam en(de) ii platte kesen It(em) oft opde vors(creven) goede/ enige boeme(n) v(er)droeghde(n) het ware(n) appele(re)n [oft] poete(n) die sal de/ wi(n)ne moge(n) afhouwe(n) en(de) inde stat va(n) die(n) wed(er)o(m)me/ sette(n) ii leve(n)de boeme oft poete(n) vande(n) selve(n) sape Es voirt/ vurw(er)de dat de vors(creven) wi(n)ne de huysinge vande(n) goede(n) vors(creven)/ op sine(n) cost houde(n) sal vand(er) ond(er)ster rikele(n) ned(er)wert op/ in goede(n) state en(de) r(e)p(ar)acie(n) It(em) alsme(n) int vors(creven) hof sal doen/ decken plecken tymme(re)n oft metsen aende huysinge die d(aer)/ nu staen d(aer) af sal de wi(n)ne den wercliede(n) den montcost/ geve(n) en(de) de vors(creven) joffr(ouwe) sal de dachue(re)n bet(alen) En(de) soe/ wesme(n) int vors(creven) hof behoeve(n) sal va(n) leeme va(n) dacroede(n)/ va(n) teene va(n) steene oft va(n) walme dat sal de wi(n)ne
//
op sine(n) cost halen d(aer) me(n) dat coepe(n) sal en(de) int vors(creven) hof bringen/ Sal voert de vors(creven) wi(n)ne alle ja(r)e geve(n) iii[c] groet(er) walme soe/ me(n) d(aer) ov(er) de ghete coept o(m)me de vors(creven) huysinge mede te/ houden en(de) te decken It(em) oft bi(n)ne(n) den vors(creven) goede(n) enige scade/ gesciedde van des wynne(n) wege(n) het wa(r)e van viere oft van/ and(ere)n sake(n) die scade sal de vors(creven) wi(n)ne oprichte(n) ten p(ri)se va(n)/ goede(n) ma(n)nen hen des v(er)staen(de) Es voert vurw(er)de dat de vors(creven)/ wi(n)ne bi(n)ne(n) den vors(creven) winhove bringe(n) sal alle sijn haeflike goede/ die hij heeft oft en(de) bi(n)ne(n) de(n) t(er)mijne vand(er) pechti(n)ge(n) v(er)crige(n) sal/ en(de) die ald(aer) belate(n) sond(er) die te v(er)coepene te mynde(re)n oft ewech/ te doen in enig(er) manie(re)n den t(er)mijn uut due(re)nde vander pechtinge(n)/ o(m)me in meerd(er) vestich(eit) d(er) vors(creven) joffr(ouwe) d(aer) aen te moge(n) v(er)hale(n)/ alle alsulke(n) gebreke(n) als sij ind(er) vors(creven) pechtinge(n) soude moge(n)/ hebbe(n) oft bevi(n)den met alle coste en(de) co(m)me(r) En(de) alle dese/ vurw(er)den (et)c(etera) cor(am) roelofs pynnoc febr(uarii) xxv