It(em) nae dien dat stoet ende tebat opverresen wa(r)en tusschen m(ar)griete(n)/ sjoeden wed(uwe) laureys wijlen van valkenborch sbeckers ende h(ere)n janne van/ donghelbert prieste(r) met willeme van donghelbeert sijne(n) brued(er) kynde(re)/ willems wijlen van donghelbeert in deen zijde ende yde boydens weduwe/ mathijs wijlen h(er)dans oems der voirs(creven) m(ar)griete(n) sjoeden van hue(re)r moed(er)s/ zijden ende oic recht oems yden wijlen sjoeden moeders der voirs(creven) ghebrued(ere)n in/[dand(er) zijde] alse vanden goeden die ghebleve(n) sijn nae de doot des voirs(creven) wijle(n) mathijs h(er)dans/ in welke goede de voirs(creven) yde boydens wed(uwe) de voirs(creven) wijlen mathijs meynde/ hue(re)n wille te hebbene mits zeke(re)n testamente bijden voirs(creven) wijle(n) mathijse/ ghemaect o(m)me die goede als hue(r) p(ro)pre goede te besittene ende tot hue(re)n/ eyghene(n) wille te dispone(re)ne Dair af de voirs(creven) yde sjoeden ende de voirscr(even)/ ghebruede(re)n de contrarie meynde(n) seggen(de) dat de voirs(creven) wijlen mathijs/ in vollen stoele sittende met katline(n) wijlen van hoeye sine(n) yersten wijve/ bij consente vander selv(er) katheline(n) de voirs(creven) goede met testamente ghemaect/ ende ghedisponeert hadde nae de doot van hem ende der selv(er) katline(n)/ sijnre huysvrouwen halff te volgen(e) den erfgename(n) vand(er) zijde(n) desselfs wijle(n)/ mathijs ende dand(er) helicht ende dand(er) helicht den erfgename(n) der voirs(creven)/ katline(n) van hoeye Behoudelijken dat de kynde(re) der voirs(creven) yden sjoede(n) staen en(de)/ deylen zoude(n) inde stad vander selv(er) yden hue(re)r moeder ende want dan de voirs(creven)/ margriete sjoeden es wettighe docht(er) van yden h(er)dans wettichs zust(er)s mathijs/ wijle(n) voirs(creven) ende de voirs(creven) h(er) jan ende willem wettighe kynde(re) der voirscr(even)/ wijlen yden sjoeden die dochter was der voirs(creven) wijlen yden h(er)dans Soe meynde(n)/ de voirs(creven) margriete sjoeden ende de voirs(creven) ghebruede(re) dat hen de helicht vanden/ voirs(creven) goede(n) als erfgename(n) vander zijden des voirs(creven) wijle(n) mathijs schuldich/ wa(r)e te volgene Soe sijn de voirs(creven) p(ar)tijen bij myddele ende tusschen sprekene/ van hue(re)n vriende(n) in beyde(n) sijden vanden voirs(creven) stoete vereffent ende/ vereenicht inder maten ende forme(n) hier nae volgen(de) te wetene dat/ de voirs(creven) yde boydens weduwe mathijs wijlen h(er)dans ombeledt vand(en)/ voirg(enoemde) margriete(n) ende ghebruede(re)n volghe(n) sal huer tocht inde helicht/ vanden goeden ghebleve(n) nae de doot desselfs wijlen mathijs ende dat nae/ de doot der selv(er) weduwe(n) derflicheit der selv(er) goede(n) ombeledt vander selv(er)/ weduwen volghen sall der voirg(enoemde) m(ar)griete(n) sjoede(n) ende den ghebruede(re)n/ voirs(creven) tusschen hen in tween te deylene Dair af deen helicht volghen/ sal der selver margriete(n) ende dand(er) helicht den voirsc(reven) ghebruede(re)n/ inde stad vanden selve(n) ghebrued(ere)n moeder niet wederstaende enighe lantrechte(n)/ oft oic niet wederstaende e(n)nighe(n) testamente(n) die voir deen p(ar)tije oft voir
//
dande(r) ter contrarie(n) van desen accorde soude moghe(n) diene(n) in e(n)nig(er)/ manie(re)n Gheloven(de) de voirs(creven) p(ar)tijen in weerssijde voir hen hue(re)n/ erve(n) ende naecomelinghe(n) allet tghene des voirs(creven) steet vast ende/ ghestentich te houden(e) tot ewighe(n) daghe(n) ende dair af elck ter/ manissen der and(er)e alsoe verre alst elker aengaet altijt ghenoech te/ doene alsoe dat elker [d(er) selv(er) p(ar)tijen] vast ende zeker sal moghe(n) sijn tot ewighen/ daghe(n) cor(am) witte ouder(ogghe) maii iiii[ta]