It(em) hoe wel de(n) voirs(creven) brief sprect van l crone(n) soe es nochta(n)/ vurwerde dat de voirs(creven) schulde(re)n ghestaen zulle(n) aen den voirs(creven) ja(n)ne/ den donde(re) met soe vele gelts ten voirs(creven) daghe te betalen(e) als gegoude(n)/ zulle(n) hebbe(n) in den corenhuyse te lov(en) op eene(n) vryen merct dach/ viii daghe voe(r) s(in)te jansmisse bapt(isten) oft acht daghe dair nae en(de)/ viii daghe voe(r) s(in)te bamisse naestc(omende) [d(aer) af dat jan de(n) coepe hebbe(n) sal] xxv mudden rox goet en(de)/ paijabel der mate(n) van loven(en) gelijck men dat opt regist(er) der stad/ van lov(en) bevinde(n) sal cor(am) eisd(em)