It(em) t(er) meerder vesticheit den voirs(creven) ghehuyssche(n) ende janne loenijs/ te doene soe sijn bij handen jans bailge vorst(er)s te loven(en) den/ selven denijse tot behoef als voe(r) in handen ghesedt ende v(er)obligeert/ voir tvoldoen der voirs(creven) lijfrente(n) eenen zilve(re)n quartpot met eene(n)/ v(er)gul(den) boorde ende boven opden scheel met eender roesen wegen(de) xxxv/ oncen oft dair omtrent Te dyen eynde ghebuerdet den voirs(creven) gehuyssche(n)/ oft janne loenijs in toecomen(de) tijde(n) inde(n) voirs(creven) scepen(en) brief oft inder/ bewijsenisse(n) der selv(er) e(n)nich ghebreck te hebben(e) dat sij dat aen de vors(creven)/ juweelen v(er)reyken ende verhalen soude(n) moghe(n) en(de) die ten prijse van/ juwelie(re)n oft goutsmede(n) v(er)coepe(n) en(de) ten hoeghsten bringe(n) En(de) schiet/ oft dair yet gebrake dat soude(n) sij [mette(n) vors(creven) brieve] aen den vors(creven) ja(n)ne va(n) opleeuwe/ en(de) aen sijn ander goede mogen v(er)halen ende schiet dair yet ov(er) dat/ zullen sij den voirs(creven) ja(n)ne van opleeuwe wederkeren En(de) bij alsoe de vors(creven)/ p(er)soene(n) and(er)s dan met v(er)coepen(e) der selv(er) juweele(n) v(er)nueght wordde(n) soe sal/ de vors(creven) denijs gehouden sijn den voirg(enoemde) janne den selve(n) pot wedero(m)me te/ restitue(re)ne gelijck hij die ontfanghen heeft cor(am) eisd(em)