Cont sij allen lieden dat gielijs reers zone wijlen jans van/ ons(er) vrouwen wavre in p(rese)ncia heeft ghenome(n) ende bekent dat/ hij ghenome(n) heeft teghen janne madea na(tur)lick zone wijlen/ machiels ende claese scrybaens scrybaens als p(ro)cureurs/ ende volcomelick ghemechticht sijnde van joffr(ouw) amadea/ de madeis zust(er)s barthelmeeus wijlen madea ende hue(re)n/ kynde(re)n de goede hier nae bescreve(n) Inden yersten thoff/ te schonenberghe(n) met huysen hoven beempden eeusselen/ dair toebehoren(de) inde p(ro)chie van haeght uutgenome(n)/ thuys opden berch Item sal noch de wynne hebben tdoffhuys/ staende [ald(aer)] dair vore de selve wyn jairlix geve(n) sal den vors(creven)/ t(er)mijn due(re)nde xii casen Te houden(e) te hebben(e) te wynnen(e)/ ende te werven van halff meerte lestleden eenen t(er)mijn van/ sesse jairen langk due(re)nde deen nae dande(re) zonder middel/ volgen(de) Elcx jairs dae(re)n bynne(n) voe(r) ende o(m)me vijftich gulden(en)/ pe(n)ninghen gheheete(n) crone(n) der mu(n)ten sconinx van vranckrijke/ Te weten(e) drie hollan(sche) gul(den) voir twee crone(n) gherekent alle/ jaire deen helicht te kersmisse ende dander helicht te sinxen(en)/ daghe te betalen(e) den voirs(creven) janne madea ende clase aut alt(er)i/ alle jaire den voirs(creven) t(er)mijn due(re)nde quol(ibe)t ass(ecutu)[m] It(em) es vurw(er)de/ dat de vors(creven) gielijs reers jairlix den voirs(creven) t(er)mijn due(re)nde gheve(n)/ sal xxix mandelen stroes o(m)me de huysinghe dair mede te decken(e)/ It(em) es ondersproken alsme(n) aen de voirs(creven) huysinghe decken oft plecke(n)/ sall soe sal de voirg(enoemde) wyn den werclude(n) den montcost geve(n)/ en(de) de voirs(creven) jan en(de) claes zulle(n) de dachue(re)n betale(n) It(em) es/ noch vurw(er)de dat de voirs(creven) wyn voir elke verdroeghde willighe/ die hij opde voirs(creven) goede afhouwen sall twee levende poete(n)/ weder setten vanden selve(n) aerde ende die leyde gracht hie(re)n bynne(n)/ alst te doene sal sijn sal vaghen ende ruyme(n) op sine(n) cost It(em) es
//
noch vurw(er)de dat de voirs(creven) wyn de trunckboome(n) beyde willige(n)/ ende eyken ten behoirlijken tijde sal moghen truncke(n) en(de) xxv/ poeten jairlix opde goede setten sine(n) t(er)mijn due(re)nde It(em) es/ noch vurw(er)de dat de voirs(creven) wynne de voirs(creven) beempde bynne(n) den/ tweeste leste jaire(n) vanden vors(creven) t(er)mijne niet en sal moghe(n)/ breken noch sayen mair die gheheel ende onghebroken laten/ It(em) es noch ond(er)sproken dat de voirs(creven) wynne de vors(creven) huysinge/ houden sal op sine(n) cost vander underst(er) rijkelen nederweerts/ It(em) es noch vuw(er)de dat de voirs(creven) wynne dblock opden oudenvoert/ ende theyblock dair neve(n) gelege(n) ende traepblock ende dblock/ gheheeten de hav(er)donck wynne(n) sal te coren lande mesten ende/ sayen sal wel en(de) loflijck den voirs(creven) t(er)mijn due(re)nde ende ten leste(n)/ jaire(n) int mest gesaeyt laten It(em) es noch vurw(er)de dat de vorg(enoemde)/ wyn ten afscheyden(e) van sine(n) t(er)mijne ii(½) boender lants met wynt(er)corene/ int mest wel ende loflick besaeyt sal laten gelijck hij die vandt/ tot sine(n) aencomen(e) ten prijse van goede mans En(de) oic de messie die/ hij bynne(n) den hove vandt ghemeten sijnde bij goede mans [stijff] twee/ voete diepe xxii gaende screden lanck ende xii gaende screden breet/ sijnde De welke ghetaxeert was in sijn(en) aencome(n) op vi peet(er)s en(de)/ oft men bevindt ten afscheyde(n) van sine(n) t(er)mijne die messie beter/ sijnde dan voirs(creven) steet dat zulle(n) de selve claes en(de) jan madea/ hem gehoude(n) sijn op terichten En(de) oft men bevindt die niet soe/ goet alsdan sijnde soe sal de wyn gehoude(n) sijn ten prijse van/ goede(n) mans dat op te leggen(e) En(de) oft de voirg(enoemde) wyn meer wyn/ tsine(n) afscheyden meer lants besaeyt laet dan hij bevandt/ tot sine(n) aencomen(e) dat zulle(n) de vors(creven) jan madea en(de) claes hem/ ghehoude(n) sijn op terichte(n) ten prijse van iiii ertwynne(n) hen des/ verstaen(de) Ende es noch bevurw(er)t dat de voirs(creven) wyn tsine(n) afscheyde(n)/ de voirs(creven) goede wel beheympt ende bevreedt sall laten ten goede
//
mans prijse Ende dat de selve wynne den voirs(creven) t(er)mijn due(re)nde/ egheen mest uuten vors(creven) hove vueren noch laten vue(re)n en sall/ dan op dlant voirs(creven) slants meeste(n) p(ro)fijte Ende alle dese vurw(er)de(n)/ heeft gelooft de voirs(creven) wynne gestentich en(de) van weerde(n) te houden(e) (et)c(etera)/ cor(am) willem(air) vertrijke m(ar)tii ultima