It(em) nae dien dat arnt de smet als aenlegge(re) come(n) is in rechte/ voir meye(r) en(de) scepen(en) van loeven(en) tege(n) wout(ere)n vande(n) driessche ald(aer)/ de selve arnt aensprac den selve(n) wout(ere)n als va(n) die(n) dat hij va(n)/ eene(n) bossche dat sij tsame(n) hadde(n) d(aer) af deen d(er)del de(n) vors(creven) arnde/ toebehoe(re)nde dat de selve wout(er) va(n) die(n) bossche gevuert hadde/ xxiii wisse(n) houts xiiii[m] en(de) een hond(er)t stake(n) en(de) iii[c] hopstake(n)/ vande(n) welke(n) den vors(creven) arnde behoerde deen d(er)dendeel Behoudelic/ iiii wisse(n) houts die de vors(creven) arnt bekinde gehave(n) te hebbe(n)/ dwelc hij v(er)sochte dat hem bide(n) vors(creven) wout(ere)n gerestitueert wordde/ Bieden(de) te thoene(n) mette(n) wercliede(n) dat soe vele houts ald(aer) geweest/ was en(de) dat wout(er)s wagene d(aer) op gevae(re)n hadde(n) en(de) afgevuert/ D(aer) op de selve wout(er) antwerde kennen(de) dat hij afgevuert hadde/ xx wisse(n) houts xii[m] stake(n) en(de) i hond(er)t stake(n) P(rese)nteren(de) d(aer) af/ den vors(creven) arnde sijn d(er)del te restitue(re)n en(de) p(rese)nteren(de) voort sine(n) eedt/ dat hijs niet meer afgevuert en hadde noch doen vue(re)n en(de) dat/ dand(er) surpl(us) alsoe wale tsine als dand(er) opde(n) bosch v(er)lore(n)/ was Es gewijst dat de vors(creven) wout(er) d(er) aensprake(n) ongehoude(n)/ sijn sal op de p(rese)ntacie die hij gep(re)senteert heeft cor(am) eisd(em)