It(em) goort de bussche(re) die alh(ier) ind(er) vroenten heeft jans coninx/ vorst(er)s heeft doen houde(n) vo(r)e tvoldoen van zeke(re) vonnisse(n) tussche(n)/ hem t(er) eenre en(de) janne vand(er) me(re)n t(er) ande(re) tande(re)n tijde(n) gewese(n)/ ende welke goort op heden dach van rechte hadde teghen/ den vors(creven) ja(n)ne vand(er) me(re)n hebben de selve goort t(er) eenre/ ende jan vand(er) me(re)n t(er) ande(re) dien dach uutgestelt tot van/ heden ov(er) viii dagen te mistijde o(m)me alsdan rechts te plegen(e)/ gelijck sij op heden geplogen soude(n) hebbe(n) En(de) de voirs(creven) jan/ de coninck vorste(r) heeft den voirs(creven) ja(n)ne vand(er) mee(re)n op hem/ genome(n) en(de) als sine(n) gevangen(en) v(er)antw(er)t en(de) de selve jan heeft/ den selve(n) ja(n)ne de(n) coninck gelufte gedaen alsdan in sijnd(er) vroente(n)/ wed(er) om te comen(e) en(de) alsdan rechts te plegen(e) Actum in pleno/ consio maii xxiii videl(ice)t die sabbati