Cont zij alle(n) lieden dat henric lavaerts in deen zijde peet(er) de vos katline/ lavaerts sijn wijff en(de) m(ar)griete lavaerts sust(er) der vors(creven) kat(li)[ne(n)] en(de) des/ vors(creven) henrix kinde(re) lambrechts lavaerts in dande(r) zijde in p(rese)ncien der/ scepen(en) van loven(e) gestaen sijn met malcande(re)n aengegae(n) ov(er)come(n)/ en(de) eensworde(n) de vurw(er)d(en) en(de) (con)dicien h(ier) nae bescr(even) Te wetene dat/ de vors(creven) henric lavaerts aengenome(n) heeft goerde lavaerts hue(re)r/ liede brued(er) sine(n) leefdach lang due(re)nde wel en(de) tamelic te/ houdene met hem in sine(n) huse en(de) den selve(n) goerde gheve(n) clede(re)/ en(de) scoen eten drincke(n) ligge(n) sitte(n) vier en(de) liecht en(de) alle tgene des/ hem behoeve(n) sal tot sine(n) live nae sine(n) staet en(de) den vors(creven) lambrechte/ en(de) katline(n) sinen wijve hue(re)r liede vad(er) en(de) moed(er) en(de) desgelijx/ den vors(creven) pet(ere)n de vos katline(n) sine(n) wijve en(de) m(ar)griete(n) lavaerts/ d(aer) af van nu voertae(n) soe lange de vors(creven) goert leve(n) sal ontslaen en(de)/ ontlasten En(de) d(aer) vore so hebben de selve peet(er) katline sijn wijf/ en(de) m(ar)griete den vors(creven) henricke hue(re)n brued(er) ten loene vande(n) vors(creven) coste(n)/ en(de) laste(n) ov(er)gegeve(n) alle de haeflike goede en(de) vliegen(de)erve die/ hen blive(n) en(de) v(er)sterve(n) sulle(n) nae de doot van hue(re)n vad(er) en(de) moed(er) vors(creven)/ o(m)me de selve haeflike goede en(de) vliegen(de)erve t(er) stont nae de doot/ des lesten leven(de) van vad(er) en(de) moed(er) vors(creven) biden vors(creven) henricke aen/ veert te worden en(de) die tot ewige(n) dage(n) te behoudene en(de) tot sine(n)/ eygene(n) wille te bekere(n)ne Beken(nende) hen de vors(creven) peet(er) die vos/ kat(li)[ne] sijn wijff en(de) m(ar)griete gheen recht inde vors(creven) goede nu nocht/ nae de doot van vad(er) en(de) moed(er) vors(creven) te hebbene oft te behouden(e)/ in enig(er) manie(re)n En(de) geloven(de) d(aer) af talle(n) tijde(n) als dat den vors(creven)/ henricke sal mogen diene(n) en(de) behoe(re)n wettelijc te v(er)tiene alsoe/ hem dat nae recht sal moge(n) behoeve(n) oft diene(n) Geloven(de) voirts/ de vors(creven) peet(er) kat(li)[ne] sijn wijf en(de) m(ar)griete tot des vors(creven) is den/ vors(creven) henrickef alle ja(r)e s(in)[t] jansmisse bap(tis)[ten] des vors(creven) goerds leefdach/ lanc due(re)nde te gevene iii peet(er)s mo(ne)[te] (et)c(etera) te xviii stuv(er)s stuc/ q(uolibet) ass(ecutu)[m] dierste bet(alinge) inne te gane s(in)[t] jans(misse) bap(tis)[te(n)] nu naestcom(ende)
//
Welke vurw(er)d(en) en(de) gelufte(n) vors(creven) de vors(creven) p(ar)tije(n) geloeft hebbe(n) vast/ en(de) gestentich te houden en(de) deen den and(ere)n d(aer) af altijt genoech te/ doene alsoe dat elke(n) van hen vast en(de) genoich sijn moege tot/ ewige(n) daghen cor(am) neus(nijcere) vync maii xx