SAL8136, Act: V°78.2-R°79.1 (114 of 416)
Search Act
previous | next
Act V°78.2-R°79.1  
Act
Date: 1466-10-27

Transcription

2020-07-06 by myriam bols
It(em) arnt van daelem zone pet(er)s wijlen van daelem in deen zijde/
peter ende henrick hocx ghebruede(re) kynde(re) marien van dalem van hue(re)n/
voirbedde vrancke mychiels nu man ende momboir der voirs(creven) marie(n)/
inden name van hem selve(n) ende inden name der selv(er) marie(n) ende inde(n)/
name jans sijns zoens die hij heeft vander selv(er) marie(n) in desen tweeste(n)/
bedde de welke de selve vrancke in desen ghelooft heeft te v(er)vane/
in dande(re) ende arnt blanckaert als man ende momboir a(n)nen van/
daellem docht(er) wijlen pet(er)s van dalem brued(er)s svoirs(creven) arnts van dalem
//
ende marie(n) inde derde zijde In p(rese)ncia hebben ghelijt dat sij/
van alsulken vier mudde(n) corens erfs pachts pachts van opvelpe ende/
mate van loven(e) tsinte andriesmisse te betalen(e) ende te loven(e) te leve(re)ne/
die de voirs(creven) wijlen peter van daelem houden(de) was met scepen(en) brieve(n)/
van loven(e) ghedateert int jair duysentvierhond(er)t eene(n)dertich vi daghe/
in meerte aen ende op een wynhoff met sine(n) toebehoirte(n) dat wijlen/
toebehoirt heeft gielijse uuten lyeminghe(n) ty(n)nenpotghie(ter) nu janne/
uuten lyeminghen tynne(n)potghiete(r) sine(n) zone [ghelege(n) topvelpe] voir hen hue(re)n erve(n) en(de)/
naecomelinghen ov(er)come(n) ende eens wordden sijn der vurw(er)den ende/
condicien hier nae bescreve(n) om bij hen ende elken van hen den ande(re)n/
voldaen ende altoes bevesticht te wordden(e) alsoe dat hen ende elken van/
hen vast ende zeker sal moghen sijn tot ewighen daghen Inden yersten/
dat de voirs(creven) arnt blanckaert met annen van daelem sijnre huysvrouwe(n)/
tot ewighen daghen voir der selv(er) annen ende huer(er) erfghename(n) sall/
blive(n) houden(de) besitten(de) ende possesseren(de) als hue(re)n p(ro)pren erfpacht die/
voirscr(even) viere mudden corens eene(n) halve(n) peter erfrente(n) bynne(n) loven(e)/
ende tderdendeel van zeke(re)n lande(n) ghelegen te webbekem dair aff lodewijck/
uuter helicht als momboir joffr(ouwe) m(ar)griete(n) heyberchs sijns wijfs meest(er) jan/
calaber als momboir joffr(ouwe) heylwijghe(n) vande(n) berghe sijns wijfs elck/
van hen tderdendeel houden(de) sijn sonder den voirs(creven) arnde va(n) daelem/
ende den ande(re)n p(er)soene(n) [voirscr(even)] dair inne ghericht te zijne oft te moghen/
sijne in e(n)nig(er) manie(re)n Gheloven(de) alle de voirs(creven) p(er)soene(n) t(er) manissen/
des voirs(creven) arnts blanckaerts te comen(e) voir hoff ende hee(re) dair affme(n)/
de voirs(creven) iiii mudde(n) corens erfs pachts houden(de) es ende hem tot sine(n)/
coste dair aff doen behoirlijke vestich(eit) Et t(antu)m ende des sal de voirs(creven)/
arnt blanckaert t(er) manissen des voirs(creven) pet(er)s ende henrix hocx vranx/
mychiels van weghen marien sijns wijfs ende jans huers zoens/
vanden naebedde ghehoude(n) sijn hen te bewijsen(e) ende te besetten(e) op/
goede hoflijke pande een mudde corens erflijker rente(n) t(er) quijtinghe(n)/
alst hem ghelieft met xviii crone(n) te xxiiii st(uvers) de crone gerekent/
ende met volle(n) pachte Ende zulle(n) oic den selve(n) henricken hocx/
en(de) vrancken michiels inde(n) name als voe(r) volghe(n) xiiii mudde(n) corens/
die v(er)loepen sijn op die voirs(creven) goede ende om die betalinghe vande(n) selve(n)/
xiiii mudde(n) corens te v(er)halen soe zulle(n) dair toe de voirs(creven) arnt blanckaert/
en(de) arnt va(n) daelhe(m) [met] den ghene(n) die d(air) toebehore(n) tvervolgh doen opde goede/
en(de) pande om dat acht(er)stel inne te halen(e) oft arnt blanckaert sal den/
kynde(re)n die voirs(creven) xiiii mudde(n) corens oplegge(n) ende betale(n) cor(am) borghove(n)/
vyncke oct(obris) xxvii
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator