It(em) t(er) meerder vestich(eit) van des voirs(creven) es soe sijn bij hande(n)/ jans ylkaerts vorst(er)s te loven(e) vanden voirs(creven) janne bezuets/ jorijse den hont tot behoef der voirs(creven) joffr(ouwe) marien ende/ huer(er) docht(er) in handen ghesedt ende verobligeert voir/ tvoldoen der voirs(creven) lijfrenten de juweelen h(ier) nae bescreve(n)/ Inden yersten xi zilve(re) schalen v(er)guldt weghen(de) omtrent li[tich]/ marct It(em) eene(n) zilve(re)n pot ende viii schotelen wegen(de)/ xxv m(ar)ct iii oncen It(em) eene(n) gulden(en) cop wegen(de) ii(½) marct/ Te dyen eynde ghebuerdt der voirs(creven) joffr(ouwe) marien oft huer(er)/ docht(er) in toecomen(de) tijde(n) inde voirs(creven) lijfrente inde(n) voirs(creven) scep(enen)/ brief oft ind(er) bewijsenisse(n) der selv(er) enich ghebreck te hebben(e)/ dat de selve joffr(ouwe) marie ende marie huer docht(er) oft yemant/ and(er)s recht dair inne hebben(de) sijn ghebreck aen de vorscr(even)/ juweele(n) sal moeghe(n) v(er)halen ende die met rechte v(er)coepen/ ende he(n) aen de pe(n)ninghe d(air) af comen(de) v(er)richte(n) En(de) oft sij/ and(er)s dan met v(er)coepe der selv(er) juwele(n) vernueght wordde(n) dat/ in dien ghevalle de voirs(creven) jorijs ghehoude(n) sal de selve juweele(n)/ den voirs(creven) janne bezuets wed(er) ov(er) te leveren(e) gelijck hij die/ ontfanghen heeft cor(am) eisd(em)