Cont zij alle(n) lieden dat jan theeus ghijsbrecht paesschen mathijs/ vand(er) vroente(n) en(de) reyne(r) goethuys alle van zichne(n) in p(rese)ncien der scep(enen)/ van loeven(e) gestaen hebben genome(n) en(de) bekint dat sij genome(n) hebben/ ongesund(er)t en(de) omv(er)sceiden en(de) een voir al van he(re)n gielise vranx/ deken d(er) kerke(n) van sinte peet(er)s te loeven(e) de thiende d(er) vors(creven)/ dekenien toebehoe(re)nde met hue(re)n toebehoerte(n) gelegen te zichnen/ Te houden en(de) te hebbene van sinte jansmisse [baptiste(n)] naestcomen(de) eene(n) t(er)mijn/ van sesse jaren lang due(re)nde deen nae dand(er) sond(er) middel/ volgen(de) elx jaers dae(re)n binne(n) o(m)me en(de) voe(r) lxii rins gul(denen) van/ goude goet en(de) ginge te wete(n) xx stuv(er)s d(er) mu(n)ten ons gened(ichs) he(re)n/ ts(er)toge(n) van burg(oig)[ne(n)] en(de) va(n) brabant goet en(de) ginge voir elken/ d(er) vors(creven) rins gul(den) gerekent half te paessche(n) en(de) half te/ sinte jansmisse baptiste(n) te betalen den vors(creven) deken den vors(creven) t(er)mijn/ due(re)nde q(uolibet) ass(ecutu)[m] Met vurwerd(en) oft de vors(creven) p(er)soene(n) enige scade/ hadde oft lede van oirloge van tampeeste oft va(n) hagelslage/ dat in dien gevalle de vors(creven) hee(re) deken hen restitucie va(n) dier/ scaden doen sulle(n) gelijc ande(re) thiendene(re)n in gelike(n) bove(n) en(de) benede(n)/ doen sulle(n) behoud(elic) dat de vors(creven) p(er)sonen den vors(creven) hee(re) deken/ gehoude(n) sijn sulle(n) te condige(n) den hagelslach altoes bi(n)ne(n) derde(n)/ daghe nae [dat] hij gesciet sal wesen sijn sal sond(er) argelist cor(am) neus(nijdere)/ vynck oct(obris) xxvii