Nae dien dat woute(r) de custe(re) t(er) eenre zijden ende katline van thiene(n) wed(uwe) goessens/ wijlen sridders gheheeten peerkens in dander zijde comen sijn in rechte voir meye(r) ende/ scepen(en) van loven(e) ald(aer) de voirs(creven) woute(r) die custe(re) dede lesen eenen scepen(en) brief van/ loven(e) vand(er) dat(en) duysent iiii[c] xlviii in april xvi daghe spreken(de) van drie rijd(er)s/ lijfpen(sie) ten live jans van wynxele ende joffr(ouwe) m(ar)grieten vand(er) balct sijnre huysvrouwe(n)/ die de voirs(creven) woute(r) vanden voirscr(even) janne van winxele ten selve(n) rechte overhadde/ dair inne de voirs(creven) wijlen goessen sridd(er)s gheheeten peerkens met jacoppe van/ nuesberghe willem(me) van leefdale na(tu)lick ende martene van werchte(r) gheheete(n)/ daems hoemake(r) ghehoude(n) ende v(er)obligeert was Segghen(de) dae(re)ntynden dat de/ voirs(creven) katline wettich wijff was des voirs(creven) wijlen goessens ende dat sij nae de/ doot van hem was bliven sitten(de) int sterfhuys ende nae de doot van hem sijn/ have aenverdt biedden(de) dat te thone(n) met sulker konden als hem nae recht soude/ moghen diene(n) meynen(de) dair o(m)me dat de voirs(creven) katline hem schuldich wae(re) de/ voirs(creven) scepen(en) brieve te cuelen ende te voldoene Dair op de voirs(creven) katline antw(er)de/ segghen(de) dat sij nae de doot vanden voirs(creven) wijlen goessene t(er) stont sterfhuys heeft/ ghelaten ende den sloetel opde doren ghesteken ende dat jan zoeten dien thuys/ toebehoirde alle de have voir ghebreck vander huyshue(re)n met rechte gheexequeert/ heeft ende mocht sij bynnen eene(n) halve(n) jaire oft dair omtrent dair nae wid(er)/ o(m)me int voirs(creven) huys ghewoent hebben soe gheschiedde dat met eend(er) nuwer/ hueringhen ende nae dyen dat tselve huys vanden schuld(er)s des voirs(creven) wijle(n)/ goessens al v(er)ydelt was ende dat de huysvrouwe van janne blanck(ar)t voir hue(r)/ huyshue(re) borghe bleef want sij van huer selve(n) niet en hadde bieden(de) dat te thone(n)/ En(de) nae dien dat de voirs(creven) wout(er) sijns v(er)meets niet volcome(n) en es ende der voirg(noemde)/ katline(n) ghethoent hebben(de) des sij heur vermeten hadde soe es ghewijst dat de/ selve katline vander aenspraken die wout(er) te hairw(er)t ghedaen heeft onghehoude(n)/ sijn sall cor(am) lyeminghe(n) nethenis colonia ouderogghe maii xxi[a]