SAL8137, Act: R°63.3 (98 of 388)
Search Act
previous | next
Act R°63.3  
Act
Date: 1467-09-30

Transcription

2019-09-27 by Jef Willemsens
Nae dien dat [de] meye(r) van hev(er)le van she(re)n weghe(n) ghehoude(n) en(de) gehacht/
heeft een pert als v(er)buert dwelc he(n)ric van bredzijp te voe(re)n gecregen/
en(de) gecocht hadde tege(n) roelove jans en(de) dwelke den selve(n) henricke(n)/
tege(n) den voirs(creven) roelove in rechte staen(de) voir meye(r) en(de) scepen(en) van/
loeven(en) aengewese(n) is te volgene soe heeft de voirs(creven) henric van/
bredzijp den voirs(creven) roelove op hede(n) doen dach doen voir den rade/
vand(er) stat seggen(de) dat tvoirs(creven) pert bij ocsuyne en(de) toedoene vande(n) voirs(creven)/
roelove biden meye(r) va(n) hev(er)le gehoude(n) en(de) gerasteert is alsoe dat hem/
dat niet volgen en mach bieden(de) dat te thoene(n) Soe es ten uut(er)ste(n)/
aengehoert dat de voirs(creven) roelof d(aer) toe dach hadde en(de) niet en (com)pareerde/
hem nochta(n) geroepe(n) sijnde get(er)meneert dat de voirs(creven) henric va(n) bredzijp/
als poirte(r) volge(n) sal dontslach vande(n) voirs(creven) peerde en(de) om dat met/
rechte te(n) daghe van rechte d(aer) toe dienen(de) te v(er)antwerden en(de) dat de/
voirs(creven) roelof de coste(n) d(aer) op gegaen betale(n) sal en(de) v(er)nuege(n) actu(m) in pleno/
(con)silio sept(embris) ult(ima)
Contributorskristiaan magnus
Moderated bykristiaan magnus
Last update: 2018-08-13 by The Administrator