Het sijn comen voir den raide vander stad meest(er) augustijn van nethenen(en)/ gheheeten vanden royeele inden name van hem selve(n) ende als p(ro)cur(eur) joffr(ouwe)/ vriendelijne(n) wed(uwe) ottens wijlen van cuyct in deen zijde ende jan va(n) winxele/ in dande(re) alse vander materien aengaen(de) den coepe die de vors(creven) jan van/ winxele teghen hen tande(re)n tijden ghedaen heeft van iiii mudde(n) corens vi/ halst(er) t(ar)wen iiii(½) mudde(n) rox ghetaxeert tsame(n) op ix mudde(n) rox x s(cellingen) bo(ne)/ ende lviii cap(uynen) ende vand(er) guedinghen die hem bijden voirs(creven) meest(er) augustijne/ joffr(ouwe) vriendelijne(n) ende ja(n)nen hue(re)n zone dair aff schuldich es te gheschieden(e)/ nae zeke(re) von(n)issen ende t(er)minacie(n) h(ier) af vortijden ghegaen Ende also beyde/ p(ar)tijen ghehoirt sijnde ende de voirs(creven) vonnissen ende t(er)minacie(n) voir oeghen/ ghenome(n) sijnde soe heeft de voirs(creven) jan van winxele acht(er)volghen(de) der lest(er)/ t(er)minacie(n) h(ier) op ghegaen xxvi daghe in augusto lestlede(n) sijn verlet van/ sine(n) xii rijd(er)s erfl(iker) renten verledt opde goide vanden royelre (et)c(etera) van vi/ jairen met sijnre eedt gheverificeert dat hij op tselve verlet niet meer/ ghehave(n) en heeft in afslaghe dan x mudde(n) corens en(de) iiii rinssche gul(den)/ elck mudde voir eene(n) peet(er) te xviii stuv(er)s nae inhoudt d(er) selv(er) t(er)minacie(n)/ ghetaxeert Ende soe es voort ghet(er)mineert dat de voirs(creven) meest(er)/ augustijn met joffr(ouwe) vriendelijne(n) ghehoude(n) sal sijn de vors(creven) guedinghe te/ doene Ende jan van winxele vors(creven) heeft ov(er)ghegeve(n) ende gheconsenteert/ mits der absencie(n) van janne van cuyct zone joffr(ouwe) vriendelijne(n) voirs(creven) dat/ de selve meest(er) augustijn ende joffr(ouwe) vriendelijne den selve(n) ja(n)ne va(n) cuyct/ ind(er) gued(inghe) verva(n)en zullen o(m)me hem bynne(n) lants come(n) sijnde desgelijcx te/ doene Ende h(ier) op sal de selve jan van winxele nae inhoude(n) der selv(er) t(er)minacie(n)/ t(er) stont ghehoude(n) sijn tsurplus vanden ghelde alse vander comescap opden/ wissel te loven(e) te stellen(e) o(m)me die sine(n) vercoep(er)s te volgen(e) wanneer sij hem/ vander ghuedinghen ghenoech ghedaen zullen hebben cor(am) hoeve(n) burg(imagistr)[o]/ et aliis de pleno (con)silio novemb(ris) xx[a]